Sunday, 31 August 2014
Hendrik Croes cu datonan positivo: Aeropuerto cla pa procesa e pasahero number 1.000.000 pa e anja aki Print E-mail
Thursday, 13 December 2012 22:50

hendrik croes

Aeropuerto ta hopi contento mirando e prome cifranan na final di anja. A constata crecimento den e cantidad di pasaheronan cu a yega nos isla. Aeropuerto ta yegando na pasahero number 1.000.000, y esaki sigur ta un logro tambe.

Den combersacion cu Hendrik Croes PR, el a bisa cu e cambionan cu tin y e promocion ta dunando su frutonan y un miyon pasahero a ser procesa e anja aki loke ta mustra cifranan hopi positivo. Hendrik Croes a splica cu analizando anja 2012 por mira cu ta un anja hopi positivo y e crecimento di mas grandi a bin for di Sur America pero tambe di Caribe cu por a nota un aumento di bishitante. Triple A ta premira cu e anja aki lo caba cu un aumento di 3 pa 4% cu compara cu e anja prome ta hopi bon. Esey kier meen cu aeropuerto tin cu sigui haci e trabao cu e ta haciendo manera desaroya mas proyecto pa mehoracion di e facilidadnan tanto den e air side unda e avionnan ta para como na e banda pazuid caminda avionnan priva ta ateriza pasobra nan aumento ta constantemente y Triple A sigur ta poniendo hopi atencion na esey. Caminda cu e avionnan comercial ta baha tambe por mira algun cambio a sosode y esaki ta pa mehora e experiencia cu e pasahero ta pasa den aeropuerto. Segun Hendrik Croes e cifranan ta refleha cu Aruba ta keda un destinacion popular, locual tambe ta un estimulo pa continua desaroya plannan tanto pa e edificio paden y pafo, y por verwacht cu 2013 tambe ta priminti di ta un anja di hopi proyecto pa sigui eleva e producto cu aeropuerto ta ofrece nos bishitantenan. Tanto e embeyecimento como e facilidadnan ta hopi importante pa nos aeropuerto pasobra mester haci e turista sinti su mes comfortable. Maske cu tin e sistema di screening cu segun Croes hopi turista no ta sinti nan mes bon cune ainda, aeropuerto ta zorg pa esaki bay mas suave posible. Pa contraresta esaki tin e bon servicio, lugar pa come y bebe y pa haci shopping, y tur esaki ta forma parti di e impresion di e turista cu ta yega y sali pa nan bin bek pero tambe pa scoge Aruba den sentido cu nan ta bay conta den nan pais nan bon experiencia aki banda.

gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter