Wednesday, 16 April 2014
Pa progreso di Aruba: PAZ, SPERANSA, UNION Y AMOR Print E-mail
Friday, 14 December 2012 17:32
DSC_2063
25 december binidero nos ta recorda un biaha mas cu Hesus a nace mas cu dos milenio pasa. Mundo completo ta reconoce nificacion y balor di Pasco. Un celebracion den cua Paz cu bo mes y cu otro ta central.

Pasco ta e drempel di fin di aña y ta anuncia yegada di un aña nobo cu ta habri su portanan. Hopi ta esnan cu ta haci cuenta di e aña cu ta cabando, ta tira un bista atras y rek nek un tiki den e bentana di futuro. Esaki UNOCA tambe ta haci. UNOCA ta reconoce cu den 2012 hopi hende, grupo, organisacion, medio di comunicacion y scolnan a realisa o contribui na actividadnan y evenementonan na bienestar di desaroyo y educacion cultural di Aruba. UNOCA su directiva boluntario, su oficina na Playa y Scol di Arte na San Nicolas cu sosten di esnan menciona ariba a duna su contribucion pa progreso di Aruba. Conhuntamente a traha cu hopi dedicacion y pasion. Un danki di curason.  UNOCA ta confia di por sigui conta cu e sosten di Gobierno Arubano y henter comunidad despues cu e habri su portanan bek den januari 2013. Un aña nobo cu UNOCA ta drenta cu hopi fe, speransa y yen di Bon deseonan pa henter comunidad! Aña 2013 ta historico pasobra Reino Hulandes ta cumpli 200 aña di existencia. Un hecho cu a influencia Aruba su desaroyo y su posibilidadnan. UNOCA ta desea pa Aruba, cu ta den un era di desaroyonan rapido y exigente, cuminsa y keda tuma tempo pa reflexiona con nos pais y su poblacion ta para y con nos mester move y si ahustacionnan di direccion ta necesario. Tambe UNOCA ta desea pa cada un di nos realisa mas cu nos amor y pasion pa nos isla ta asina grandi cu no tin nada pa kibr’e. Mas cu nunca door di traha hunto y sostene otro nos ta hiba nos mes y Aruba padilanti. ARUBA TA UN AMOR   CUID’E!

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter