Wednesday, 01 October 2014
Caya Grandi y tiendanan cla pa ricibi bo diasabra Print E-mail
Friday, 14 December 2012 17:37
DSC_2063
Manera Gabinete Mike Eman a priminti, Caya G.F. Betico Croes lo ta comodo pa pueblo bin haci su compranan di Pasco pa dia 15 di december. E dia aki no lo ta uno sin mas.

Hunto cu e organisacion di comerciantenan di caya grandi, Gobierno di Aruba a prepara un dia special yen di ambiente. For di mainta lo tin presentacionnan en bibo di gruponan di gaita, entretenimento pa mucha y tambe un show di autonan clasico.

Trabounan ta basta avansa, y hendenan lo por cana comodamente riba e trottoir hancho cu tin awor. Tiendanan di nan banda tambe a priminti di tin hopi oferta y sorpresanan prepara pa tur cu yega diasabra awor. E ambiente sigur lo ta uno masha dushi caminda famia henter por bin busca nan paña y/of regalonan pa e dianan di fiesta. Entre 10or di mainta y 8or di anochi lo resona e musica di gruponan manera Gaita Talentoso, Katatumbo Teener, Gaita Sabroso, Gaita Autentico y Rincon Boys.

For di Havenstraat te Plaza Nicky Habibe, tur e tiendanan lo habri, cla pa ricibi un y tur. Gobierno di Aruba ta contento di por a cumpli y ta haci Caya Grandi accesibel pa pueblo di Aruba por bin sostene nos economia local y tambe disfruta di e ambiente di compras di fin di aña. Ta bon pa recorda cu e trabounan no ta stop aki.

Manera Minister di Infrastructura Benny Sevinger a indica, e trabounan den caya grandi y henter centro di ciudad lo continua durante december y 2013 pa asina nos tin un Oranjestad cu ta un joya pa nos hendenan y tambe pa nos bishitantenan. Dia 22 di december lo tin otro celebracion den Caya Grandi caminda lo pone e trolley oficialmente den funcionamento.

Mientras tanto, un boca bisa otro, ban diasabra awor den Caya Grandi pa haci compras.

 

Comentarionan (9)Add Comment
proudaruban
December 15, 2012
89.98.58.147
Votes: +7
...

Luga di shop na Palm beach plaza.Boso bai shop den caya grandi y juda Aruba su patrimonio bai dilanti. Y ami aunque mi no tin plaka mi gusta cana keiro, hanja aire fresko. Bon pa boso cana.Tanto hende gordo na Aruba.

kaks
December 15, 2012
201.229.25.236
Votes: +3
...

payasadaa di gobierno!!





all out!!!!
December 15, 2012
201.229.80.112
Votes: -1
...

Ta fasil, si bo no tin placa keda bo kas y ta kla,y si bo ke bo por kana y bin admira e maraviya cu nos gobierno a hasi.......

bida
December 15, 2012
201.229.79.118
Votes: +9
...

Ta bon cu awa a basha ya nan por wak dibiaha si tur cos ta keda bon kico por drecha,pa asina nos por disfruta di nos caya grandi y e tram.smilies/cheesy.gif algo hopi leuk pa Aruba.

appie
December 15, 2012
178.84.59.226
Votes: +4
...

bai playa haci compras???? cu cua placa?????

Mojendi
December 15, 2012
31.151.210.190
Votes: +4
...

Aleluya, di con nunca boso no ta satisfecho cu nada. Si ta drecha o ta traha camindanan nobo, boso ta yama e gobierno, gobierno di asfalt y klinker (mira E.W.C). Awor bo(so) ta keha pa drecha e camindanan. Ta unda hende ta bay boso, Dios sa.

aleluya
December 14, 2012
201.229.127.60
Votes: -4
...

caya grandi ta warda mi? tsss ni kla e no ta kla< corda cu sopi pura ta sali salo dus boso bin bij, y tanto plaka cu ami ta paga na belasting ami NO mester un luho asina, mihor Gobierno cuminsa drecha e camindanan cu ta malo y paga mi BELASTING atrasa bek.

puro
December 14, 2012
201.229.16.126
Votes: -1
...

Tram a keda tras di Bo cas. At least aki Nos ta way ta visible unda nos placa di belasting ta bai.

... Low-rated comment [Show]
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter