Saturday, 01 November 2014
COA ta conta cu dos miembro di bestuur nobo den Sra. Wanda Broeksema y Sra. Glenda Croes-Tromp Print E-mail
Saturday, 15 December 2012 10:31

Asamblea general COA (2)

Durante di e Asamblea General di Comite Olimpico Arubano cu a tuma lugar siman pasa, dos candidato nobo a wordo proponi pa federacionnan pa forma parti di e directiva di COA, mirando cu tabata tin dos puesto vacante. E dos personanan aki sigur no ta desconoci den e mundo deportivo y comercial na Aruba. Ta trata aki di Sra. Wanda Broeksema y Sra. Glenda Croes-Tromp. Durante di un splicacion duna na e federacionnan presente, Sra. Nicole Hoevertsz a splica cu COA mester cuminsa bai traha pa fortifica e "producto" Comite Olimpico Arubano pa asina genera mas fondo y pa crea mas apoyo pa deporte en general. Mirando e preparacion di Sra. Wanda Broeksema den e area di marketing y e diferente funcionnan cu ela sa di ocupa cu hopi exito, e lo ta un bon ayudo, den sentido general, pero particularmente den e parti di mercadeo pa e organisacion. Sra. Broeksema a wordo proponi pa ta encarga cu e funcion di vice-presidente di COA. Di otro banda, Sra. Glenda Croes-Tromp ta un persona masha activo den e mundo deportivo di Aruba, cu amplio experiencia den organizacion deportivo. E ta un persona clave den e deporte di triathlon, ta ocupa un funcion clave den e directiva di e federacion y awor elo ocupa e funcion como Comisario den e directiva di COA. Despues di a presenta e dos candidaturanan, esta di Wanda Broeksema y di Glenda Croes-Tromp, Asamblea a eligi nan "pa aclamacion", loke a wordo ricibi cu un fuerte aplauso. COA ta masha orguyoso di por a haya dos persona asina prominente pa forma parti di e directiva actual. Un aspecto sigur remarcable ta e hecho cu directiva di Comite Olimpico Arubano awor ta consisti di seis hende muher y tres hende homber! COA kier a desea tanto na Wanda como na Glenda hopi exito den nan posicion y funcion nobo.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter