Saturday, 20 December 2014
Do Good Aruba ta haci un donacion na e Clown Doctors Print E-mail
Saturday, 15 December 2012 16:11
Comparti

do good donation

E partnernan di Do Good Aruba ta dedicando tres siman na December pa recauda fondo pa e Clown Doctors local. Ademas di presenta e fundacion caritativo cu un donacion corporativo, e partnernan a pone un caha di coleccion disponibel pa e publico, unda donacionnan ta wordo acepta for di tur esnan cu ta bishita nan ubicacion na e Village Marketplace.

E recien forma Do Good Aruba, cu su oficina principal den un warehouse na Eagle, ta recicla bunita botternan di biña, alcohol, cerbes, awa y refresco, cual nan ta ricibi for di negoshinan local, pa traha tumblers, elegante, glas di bebe y vaasnan distinto. E mercancia despues ta wordo bendi na varios luga riba e isla, incluyendo e Village Marketplace cu ta tuma luga anochi na Palm Beach. Cu e deseo di haci mas ainda – Do Good Aruba a designa dia 20 di December como su anochi di "Clown Doctors"! E compania tin planea pa envolve tur punto di benta na e mercado den nan esfuersonan di recauda fondo. E Clown Doctors tambe lo ta asistiendo e evento door di cana rond cu un caha di coleccion for di 8pm te 10pm riba e anochi aki. Rosie Walisever, un partner di Do Good Aruba, ta raporta cu e proyecto a wordo ricibi na un manera masha positivo y tanto hende local como bishitante tabatin hopi gana pa cumpra e articulonan recicla di glas, cual ta pas perfectamente pa uso comercial of priva. Algun di Aruba su hotelnan y restaurantnan ya caba ta haci uso di e Do Good Aruba glasnan y tumblers, cu mas organisacion haciendo uso di nan cada dia. Aki por mira Rosie y su cliente mas grandi, Josh Posner, kende ta doño di un sucursal chikito di Do Good Aruba den e bisiña, Arawak Gardens. E Clown Doctors Aruba ta converti lagrimanan den harimento ora cu nan ta bishita muchanan malo interna den nos hospital. E organisacion a wordo funda riba dia 21 di November, 2000, pa Peter Ballière, un restaurateur local conoci, kende a lanta e Clown Doctors di Aruba cu e asistencia di su organisacion ruman for di Belgica, esta e Cliniclowns Belgium. E payasonan tambe ta bishita nos grandinan den casnan di anciano y muchanan chikito den casnan di huerfano, y ta wordo sosteni solamente pa donacionnan. E publico ta invita pa asisti door di bishita Do Good Aruba na e Village Marketplace, pa asina haci un donacion of haci un compra for di Do Good Aruba. Nanishinan di foam cora, e accesorio signatura di e payasonan, tambe lo ta obtenibel pa benta ora di haci un donacion.

gallery1 gallery1  

Comentarionan (2)Add Comment
airlift
December 15, 2012
201.229.49.115
Votes: +0
...

Mester cumpra un pak y un nanishi cora , esey ta costa 50 florin. Cuanto recauda di fondo mester ?

airlift
December 15, 2012
201.229.49.115
Votes: +0
...

Tin hopi hende cu no gusta clowns ! E toegevoegde waarde ta minimaal, psychologisch onderzoek cerca muchanan na scandinavia a revela. Pa entretene e muchanan cu ta malo na Hospitaal ta mas miho laga nan wak kinderfilms cu ta leuk of spannend.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter