Tuesday, 02 September 2014
Direktiva di RCA ta duna reconocimiento na tres Valuarte Tri-Color Print E-mail
Sunday, 16 December 2012 01:00

John Frans Edwin Ditto

Diasabra ultimo na RCA Arena, direktiva di RCA cu ayudo di Sr. Joy Fingal a organisa un partido amistoso di 60+ E encuentro aki a caba 3-3 entre selecshon di Noord vs Selecshon di Capital y e encuentro tawatin un motibo especial ya cu Direktiva kier a duna reconocimiento na tres persona cu a copera y contribui engrande cu e organisashon deportivo mas grandi na Aruba.

Sr. John Merryweather, Sr. Edwin Dirksz y Sr. Frans Van Gastel cada uno a ricibi un plakat for di Presidente di RCA Sr. Ditto Acosta kende a elabora riba importancia cu e tres persona nan aki tawatin pa RCA su desaroyo y progreso. E fecha 15 december ta concidi cu e dia cu luz riba veld a bai On na Solito pa prome biaha exactamente 33 anja mas. Actual Direktiva, e ultimo 20 luna, a duna multiple reconocimiento na persona nan importante pa e organisashon y lo sigi hasi esaki pa asina nos hoben nan por sera conoci cu nos heroe nan Tri-Color y aprecia historia di nos organisashon. Direktiva kier desea e Famia Tri-Color felis dia nan di fiesta y cu Todopoderoso drama bendishon den cada hogar. Por ultimo diasabra anochi RCA Damas a gana Arsenal 2-0 den Angochi gol nan di Milvienne Henriquez y Emily Bustillo. Den Copa ACB un RCA Big Wheel Lottery powered by Powerade super hoben ta tabla diabierna cu Real Rincon na cero. Pero diasabra un RCA poko mas formal ta kibra invicto di e kampeon di Curacao Centro Dominguito cu score di 2-1. Prensa di Curacao tawata presente pa confirma cu nan mesun wowo cual ta e miho ekipo den Dutch Caribbean.

gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter