Monday, 24 November 2014
ATA tin planea un inversion di 60.000.000 florin pa 2013 den promocion Print E-mail
Sunday, 16 December 2012 11:22
Comparti

 ata RonellaTjinAsjoe (1)

Den e entrevista cu Ronella Tjin Asjoe, director di ATA, el a splica cu pa 2013 tin planea pa haci un inversion di 60.000.000 florin globalmente, es decir, den tur e mercadonan cu Aruba ta ser promovi. Esaki ta nifica un aumento di 7% mas of menos compara cu 2012. El a bisa cu sigur ATA nobo a conoce un avance pa loke ta trata fondonan pa promove nos pais den exterior y esey ta bisto.

El a splica cu no solamente comparando anja 2012 cu 2013 pero tur e anjanan anterior por mira un incremento den fondonan.Varios cos a bin acerca cu establecimento di ATA nobo manera e room tax y e air ticket charge cu ta bin direct pa e fondonan di ATA conforme nan plan di maneho. El a splica cu e taxnan aki no ta afecta e turismo cu ta bin Aruba y di hecho for di 1 di September cu e air ticket charge a drenta na vigor, e cantidad di turistanan a aumenta y cifranan ta mustra esey. Tambe ATA a informa su partnernan debidamente y den forma transparente y bon cla cu esey ta pa haci mas promocion pa Aruba y cu na final esey tambe ta beneficia nan. Loke si ta un preocupacion hopi grandi pa ATA ta e ola di criminalidad den area di hotel, pasobra nan sa hopi bon kico esaki ta nifica pasobra por crea danjo pa Aruba su imagen y den sentido di e demanda di bishitantenan pa Aruba. Tin retonan cu a keda presente cu ATA mester a deal cu nan cu ta e caso Holloway y Gardner, y e safety ta un asunto clave den e decision di e turistanan di bishita Aruba. Apesar di e retonan e safety ta score hopi halto na nos fabor, y esaki mester sigura cu e no ta wordo atacha tampoco, segun Ronella. ATA a senjala esaki internamente y cu minister di turismo y nan ta monitor e situacion, pa wak cualkier impacto cu por tin den e rednan social y con e informacion y comunicacion referente na e diferente casonan reciente con esaki ta move bao di e bishitantenan of esnan cu ta planeando un bishita na nos isla. El a splica cu afortunadamente esaki ta minimo na Aruba, y ATA ta duna siguimento pa wak si tin cosnan cu tin cu coregi of accionnan pa ser tuma, cu nan ta cla pa wordo haci. ATA ta uni su mes na AHATA y otro instancianan cu a pone remitido den corant pero nan tin cu zorg pa un bon imagen pa Aruba y nan ta conciente cu cosnan asina mester wordo evita.

Comparti
Comentarionan (1)Add Comment
Biba Lekker
December 17, 2012
201.229.126.247
Votes: +3
...

Ban wak cuanto di e budget aki ta bai pa: Damox, Graffix & Beyond (banners stickers & More) y Power FM sin ningun tipo di destaho. Jammer con ATA ta complice di un Minister cu ta previlegia su mes un (amigo) su companianan. BAI GANJA BACA!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter