Directora di ATA a splica den un entrevista cu conforme legislacion di ATA e presupuesto pa 2013 a ser entrega dia 1 di September 2012 na e hunta di supervision y a sigui cu reunionnan cu e minister di turismo pa yega na puntonan caminda tur por biba cu e presupuesto, e planes y meta pa e otro anja. Tambe di acuerdo cu legislacion e presupuesto mester a keda 10 dia drumi den parlamento pa nan por tira un bista riba dje y tuma nota di e contenido. Esey a sosode y siman pasa tabata tin un encuentro entre ATA y e comision fiho di parlamento caminda por a splica cu mas detaye kico e presupuesto y e planes pa 2013 ta encera. El a splica cu lamentablemente tabata tin dos cifra den e presupuesto cu tabata incorecto y despues cu ATA a pidi disculpa pa esaki, inclusive prome cu sinta cu parlamento, e fout a ser coregi y esey ta algo cu por pasa. E reunion a bay hopi bon y e ta satisfecho di por a haya oportunidad di splica un ke otro y intercambia di idea y tuma nota di e inkietudnan di parlamento. Tur cos a keda aclarea y e directora ta sinti cu e comision fiho tin support pa e presupuesto aki pa ATA por continua cu loke nan a entrega.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi