Wednesday, 01 October 2014
Directora di ATA satisfecho cu crecimento total di 9.9% na November! Print E-mail
Sunday, 16 December 2012 11:37

ataronella

Den un entrevista cu Ronella Tjin Asjoe, director di ATA, a puntre tocante e cifranan di turismo pa November, cu ya ta conoci y con satisfecho nan ta cu e resultado. El a splica cu nan ta hopi satisfecho pasobra nan tabata hopi pendiente di e resultadonan di November despues di a topa cu e reto di Horcan Sandy na final di October, un situacion cu nan a keda vigila y pusha unda mester a pusha, segun Tjin Asjoe.

ATA lo sigui monitor e mercado di Merca e lunanan cu ta sigui pasobra si e no tin bon resultado esaki ta impacta e resultadonan total di cada luna. Pero nos turismo for di Merca a crece cu 2.2% combina sigur cu un aumento fuerte di turismo di America Latina y otro mercadonan manera Europa. E luna di November tabata esun di mas fuerte conoci na Aruba te cu aworaki cu un crecimento di 9.9%. Esaki ta pone cu ATA ta sigui evalua su plannan pa anja 2013 y e siguiente anjanan mirando e capacidad adicional cu ta bay bin cu e Curacao Tower di 220 camber di Holiday Inn, Ritz Carlton cu ta den construccion y Hard Rock cu lo bin acerca. Tur esaki ATA lo tene cuenta cune na momento di pone su obhetivonan pa e otro anja y e siguientenan tambe. Internamente, segun directora di ATA, mirando e fondonan adicional cu nan ta pone pa e diferente mercadonan nan a dicidi pa pushca nan mes hopi mas usando e capacidad y oportunidadnan cu tin y e meta ta pa yega na 6% di crecimento. Pa cera anja 2012 a pone e meta di logra un crecimento di 3% pero por spera un 3.4% segun Tjin Asjoe.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter