Tuesday, 21 October 2014
Segun directora di turismo e mercado Europeo ta mustra vulnerable pa Aruba Print E-mail
Sunday, 16 December 2012 11:39

ata RonellaTjinAsjoe (1)

Ronella Tjin Asjoe, directora di ATA a splica den un entrevista cu e mercado europeo a topa cu diferente reto y lo sigui asina pa e siguiente anjanan. Pesey ATA ta keda cauteloso pa cu e turismo europeo. E retonan aki ta un combinacion di factornan economico cu no ta mustra faborable pero ademas pa 2013 lo confronta cu menos capacidad aereo pa Inglatera compara cu e anja aki,

y esaki ta nifica cu e mercado aki lo no crece y lo tin efecto riba e mercado total di Europa. Ronella a splica cu mester tene cuenta cu hopi mercado ta pone un presion grandi riba prijs y den negociacionnan ta bai tras di tarifanan di hotel mas abao cu locual ta conoci na Aruba. Pesey diferente hotel no ta logra yega na acuerdonan cu algun aerolinea of tour operators, y simplemente no tin contrato ni e capacidad ekivalente na e anjanan prome. Directora di turismo ta mira den esaki e banda positivo pero tambe e impacto cu e ta trece cune riba cifranan y habilidad di crece cu ta merma pa desaroya diferente mercado europeo. Di otro banda Aruba su averahe di prijs pa un turista pasa un vacacion cerca nos ta bastante mas halto cu den otro destinonan den Caribe, loke ta saludable pa cumpli cu e vision di limita e crecimento den cantidad y eleva e calidad di e turistanan cu nos kier pa bishita nos. Esey no nifica cu ATA no kier mira e mercado europeo crece pa nos y el a splica cu nos tin un compromiso cu algun aerolinea manera KLM, di yena cierto cantidad di asiento, y ATA ta bay pusha su mes den e direccion aki pa 2013, apesar di e situacion menos faborable cu tin.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter