| Diabierna mainta 6:30 AM Spiraal Rotonde ta habri y indicacionnan ta na nan lugar |
 |
 |
| Sunday, 16 December 2012 12:09 | |||||||||
|
E Spiraal Rotonde segun plan lo habri diabierna awor pa 6:30 di mainta. Prome cu esey tin preparacionnan cu lo wordo haci pa asina e Spiraal Rotonde por habri sin problema. Lo tin polis, DOW y demas grupo presente pa asina mira pa cosnan cana bon. E adernan existente lo wordo sera cu e apertura di e Spiraal Rotonde. E indicacionnan grandi ta poni caba na nan lugar. Esaki ta indicacionnan pa tur hende sa ki ruta mester core pa sea bai direccion Caya Watty Vos, San Nicolas of bai direccion di aeropuerto. E indicacionnan riba caminda ta poni cla cu verf special y duradero. E borchinan ta hopi grandi y bisto. Falta solamente e palonan di luz cu falta pa ser poni. Esaki ta trabao di Elmar su personal. E apertura di Spiraal Rotonde lo alivia e problema cu tin cierto orario pa taxistanan por yega aeropuerto of sali di aeropuerto cu turista. Rijnan largo di turista ta acumula pa e simpel motibo cu un ruta tin pa yega aeropuerto. Awor ta spera e cambio grandi cu Spiraal Rotonde lo elimina problema di esnan den transporte publico pero tambe otronan cu ta usa e caminda principal aki tur dia.
Comentarionan (3)Mustra/Kita comentarionan ...
mi ta hanja e ta un bunita projecto cu a wordo realisa den un tempo corto. HOPI BON y proud di e team cu a traha duru.
Pero mi tin 1 cos di bisa, mi ta hanja cu no mester a habri e rotonde ainda, pasobra cu Elmar no a pone e lus nan ainda y cu esak por tin algun peliger. mensahe na Elmar pa please pone e lus nan mas pronto cu ta posibel. (Promeee cu pasco y fin di anja.. tempo nan hopi druki)
,
December 16, 2012
Duna Comentario y/of Comparti riba Social Medi |
Mustra/Kita e formulario di comentario
