Tuesday, 30 September 2014
Introduccion di e prome sistema di pago Busmatick Smart Card den Caribe Print E-mail
Sunday, 16 December 2012 12:28

front

Zenitel Aruba recientemente a finalisa e instalacion di un sistema di pago Busmatick Smart Card pa Arubus, cual ta inclui 40 bus grandi y 16 van pa pasahero. Cu e introduccion di e ekipo innovativo di Zenitel, Arubus a bira e prome compania di transporte publico den Caribe cu un sistema di pago Smart Card. Arubus a adkiri bus nobo y a expande su rutanan na 2012 y danki na e innovacion introduci pa Zenitel, Arubus por registra y mantene estadistica di e rutanan cu a wordo cori,

e cantidad di pasahero cu ta uza e ruto y e categoria di pasahero cu e busnan ta transporta. E sistema ta consisti di computer abordo di e busnan, un mashin cu ta tene conteo di pasahero - people counter, mashinnan pa "top up", carchi di pasahero y software. Tur bus grandi ta ekipa cu un computer y un people counter. E pasahero ta presenta su carchi na e chauffeur y despues cu e chauffeur verifica cu e carchi ta di e persona cu ta drentando den e bus, e chauffeur ta "swipe" e carchi na e computer. E costo di e biahe automaticamente ta wordo desconta di e carchi. E proceso aki a prueba di ta mas eficiente y facil den su uzo compara cu transaccionnan di placa cash. E ta mas sigur tambe pa e chauffeur di bus kende tin menos placa den su bus na cualkier momento y e ta yuda elimina eror humano ora di conta placa. Ora e pasahero pasa na e people counter instala na entrada y salida nan ora e ta subi of baha di e bus, e sistema ta registra su yegada y salida y ta tene un conteo. Esaki ta haci posibel pa e chauffeur di bus y Arubus na tur momento ta informa di cuanto pasahero tin abordo di e bus y na cua parada pasaheronan ta subi y baha di e bus. Arubus ta provee clientenan cu diferente luga unda cu pasaheronan por "top up" of recarga nan carchinan. Zenitel a instala mashin special pa esaki na diferente tienda, unda cu clientenan ta paga pa e servicio, pone nan carchi ariba e mashin di "top up" y ta ricibi e credito cu nan a paga p'e ariba nan carchi. E cliente por uza su "top up" inmediatamente despues cu esaki a tuma luga. Como un resultado di e decision pa innova y tuma Zenitel como un partner pa e tecnologia nobo aki, for di su oficina principal Arubus por traha rapport, mantene estadistica y sigui trayectorio di busnan pa medio di un sistema di GPS cu a wordo instala ariba e busnan. Ademas, Zenitel tambe a provee cada bus cu un sistema di radio ChuChubi, cual ta haci e uzo di telefon cellular pa comunica entre e chauffeurnan y e chauffeurnan cu e stacionnan di bus principal un cos di pasado. E red di ChuChubi tin cobertura ariba henter e isla y e metodo nobo di comunicacion ta brinda e chauffeurnan mas siguridad den trafico tambe.   Zenitel ta orguyoso di ta un partner di Arubus pa loke ta trata e proyecto aki. "Nos ta hopi contento cu e sistema, e ta menos trabao pa nos, menos placa pa conta, menos chens pa haci fout," Sannin Daou, coordinador di relacion publico y mercadeo di Arubus ta expresa. "E ta haci e proceso mas lihe y mas precies," e ta añadi. Daou ta bisa cu nan clientenan ta contento tambe y Arubus ta sondeando e posibilidadnan pa expande ariba e sistema di Smart Card cu carchinan prepago y "day pass", principalmente pa turista. Tambe, Arubus su departamento di IT ta trahando ariba e posibilidadnan pa ofrece mas interaccion cu e cliente pa medio di opcionnan pa e cliente check nan balans ariba nan telefon of via di un sitio ariba Internet y pa crea un "app" pa smartphone cu ta mustra schedule di bus, ubicacion di busnan, y mas. E sistema di Smart Card ta provee Arubus cu un bista global di movecion di pasahero. Diferente estadistica y rapport por wordo saca di e sistema y asina ta duna Arubus un bon bista ariba e eficiencia y efectividad di su schedule y planning di ruta. Daou ta bisa cu Arubus tin 13,144 uzado di Smart Card registra, di cual 2,598 ta cliente 60+, 4,075 ta studiante, 6.470 ta usuarionan "standard" y e resto ta cay den dos diferente categoria di tarifa special. E red di ChuChubi ta extende pa otro islanan di Caribe Hulandes tambe. Ariba tur seis isla Zenitel ta ofrece servicio di comunicacion rapido, sigur y protegi na gobierno y companianan comercial. Nuebe aña pasa Zenitel a construi e red aki, cual por resisti y funciona bao di e condicionnan di mas malo. Ademas di Smart Card y radio ChuChubi, clientenan por conta ariba Zenitel pa asisti cu diferente otro servicio unda cu comunicacion ta crucial, manera GPS tracking, sistemanan di Intercom y telefon, y mas. Zenitel ta forma partnership cu su clientenan, proveendo idea y sugerencianan, y lo delibera hunto cu nan clientenan cual ta e miho solucionnan pa nan compania. Busmatick ta un proveedor di sistemanan inteligente di transportacion, cu oficinanan na Spaña, Mexico, Costa Rica, Colombia, Brazil, Chile y Uruguay. Cu mas di 25 aña di experiencia den e industria aki, nan ta ofrece solucionnan pa retonan den transportacion di pasahero. Pa medio di investigacion, desaroyo y innovacion continuo, como tambe aplicacion di lo ultimo den tecnologia di informacion, Busmatick ta provee mehoracion den funcionamento, eficiencia y siguridad y ta yuda crea sistemanan di transportacion inteligente.

album album album
album album album
album album album
album   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter