Monday, 24 November 2014
Minister Michelle Winklaar hopi satisfecho cu sosten na proyecto Cas di Glas Print E-mail
Sunday, 16 December 2012 14:27
Comparti

front

Minister di Asuntonan Economico, Asuntonan Social y Cultura, Michelle Hooyboer-Winklaar tambe tabata parti di e apertura di e di dos edicion di Cas di Glas na Palm Beach Plaza, cual ta un proyecto cu ta wordo realisa pa recauda fondo pa un bon causa. Minister Hooyboer-Winklaar a duna di conoce cu esaki ta un proyecto pa cual diferente instancia ta bin hunto, pero e motor tras di esaki ta e Fundacion Cas di Glas, cual tin di haber cu un proyecto cu ta encera e sosten cu ta bin for di e parti comercial pero alavez di e deseo pa duna algo bek na nos comunidad. El a indica cu no ta trata solamente di contribui den forma di un donacion pero di hinca e fondonan den diferente instancia manera Clown Doctors, Stichting Mi Por y awor Cas di Glas. E fondonan recauda lo bay pa Wit Gele Kruis cu di nan banda lo dedica esaki pa cuido di nos grandinan atravez di diferente programa. "Ta hopi importante pa nos sigui comunica kico ta e retonan pa cu cuido di nos grandinan", el a bisa. E mandatario a agrega cu e ta hopi contento pa wak cu e hendenan ta bini hunto pa dedica e fondonan na esaki, tempo, atencion. Ta hopi bunita pa mira e radio emisoranan cu ta uni pa trece tur e informacion akinan, e DJ nan mes cu ta wordo cera eyden, cual e ta kere ta un reto riba su mes, Minister Hooyboer-Winklaar a expresa. El a remarca e aspecto di e cuido di nos grandinan. Ta net den e etapa ey cu nan mester di mas atencion y esey ta locual kier mira. Un cambio y cu e recursonan tambe mester tey. A ripara cu esaki ta un necesidad y e minister ta hopi contento cu esey. Minister Hooyboer-Winklaar tambe a combersa cu e participantenan cu a wordo cera den e Cas di Glas durante e dianan aki y por a saca afo cu esaki ta un causa cu nan ta kere den dje. "Pesey nan ta haci nan mes disponible pa pasa door di esaki cu sigur no ta algo facil. E mester ta dificil pasobra sino tur hende lo por hacie. Di nan banda cu nan ta dedica na esaki ta algo sumamente bunita", el a bisa. El a agrega cu e ta hopi contento cu e participacion y e sosten cu a haya for di tur banda y principalmente for di e comunidad.

album album album
album album album
album album album
album album album

Comparti
Comentarionan (1)Add Comment
comerciante
December 17, 2012
201.229.91.156
Votes: +2
...

Ta di spera si cu e anja aki TUR placa wordo entrega manera priminti no manera e prome kas di glas cu placa a wordo acherover gehouden....
E meneer belg ey no ta nada di confia....

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter