Monday, 01 September 2014
Prome Minister Mike Eman: Aruba su relacion cu Reino Hulandes y Union Europeo mester ta basa riba beneficio pa e pueblo di Aruba Print E-mail
Sunday, 16 December 2012 16:00

front-mike003

E interes tabata grandi pa e discurso di Prome Minister Eman na Erasmus Universiteit na Rotterdam siman pasa. E rector di e universidad prof. Dr. Henk Schmidt a yama Prome Minister Eman bon bini y a anuncia e tema di su discurso ‘Relacion cu Europa y derecho di ciudadano’.

For di tur rond di Hulanda studiantenan y demas interesado a bin pa atende e lectura aki. A toca temanan di importancia pa Aruba manera e derecho di ciudadano, e relacion cu Hulanda y Reino y e crisis actual na Europa. Eman a duna un discurso elocuente cu a cuminsa cu e pregunta intrigante: ‘Por ta cu Steven Spielberg por soluciona e crisis na Europa door di traha un tremendo pelicula?’ E pregunta a capta di biaha e atencion di e studiantenan presente pasobra peliculanan di Hollywood no tin muchu di haber cu e situacion actual na Europa. ‘Europa ta pasando den crisis. Por ta e recien pelicula di Steven Spielberg ‘Lincoln’ por inspira e lidernan di Europa con pa deal cune y con pa sali di dje ’ Eman a bisa. El a compara e situacion dificil den Union Europeo cu un otro Union, esta esun di Estadonan Uni di Merca, tempo di e gran Presidente Lincoln. Durante su tempo Merca tabata un pais dividi caminda estadonan di zuid y nort tabatin desacuerdonan grandi. Bou liderazgo di Lincoln e pais a unifica bek y un recuerdo importante cu Lincoln a laga atras ta e nocion cu gobernacion tey pa primordialmente sirbi e pueblo y no cu e pueblo mester sirbi e gobierno. ‘Europa tin cu haya un direcion nobo caminda mester central ta loke Union Europeo por haci pa su ciudadanonan y no con e cuidadano por sirbi Union Europeo’, Eman a menciona. Europa tin hopi di ofrece, pero e gran balor cu e Union di paisnan Europeo aki tin cu su mercado di 550 miyon habitante y un enorme mercado interno cu ta sigur y sin guerra, no ta hayando e aprecio cu e merece. Eman a sigui splica. ‘Si nos mira e retonan di UE awendia, nos ta wak paralelonan cu Merca tempo cu Lincoln tabata presidente. E tabata purba di tene e union di estadonan Mericano hunto den un temporada sumamente dificil. Na Merca tabatin hopi discusion, falta di interes comun, falta di perspectiva pa cu futuro di Merca. Den e Europa di awe ta parce cu no tin metanan comun entre e paisnan miembro pasobra no tin perspectiva cu tur ta comparti’. E lidernan a lubida e motibo basico pakico un Europa ‘Uni’ mester sigui existi. Tempo cu a cuminsa cu e Union aki e tabata basa riba e necesidad pa coordina leynan cu otro, cu eventualmente a bira leynan Europeo. Leynan cu ta basa riba un vision social y economico cu tur ta comparti. Awe nos ta mira cu e solucionan cu ta worde presenta pa sali for di e crisis ta mas bien solucionnan hopi tecnico pero no ta deal cu loke tin tras di e crisis aki cu ta muchu mas fundamental: Pakico mester di UE si cada pais riba su mes ta maneha su asuntonan? Eman akinan a link bek na e pelicula ‘Lincoln’ cu por cierto a pasa recientemente den cinema na Aruba tambe. E pelicula ta basa riba estudionan academico intenso haci caminda a conclui cu tempo cu e dos gruponan grandi na Merca tabata confronta otro (nort contra zuid) no por a worde unifica bek cu instrumentonan tecnico y legal. Pa reconecta cu otro tabatin mester di algo hopi mas profundo, hopi mas esencial. E conflicto hasta a escala den un guerra civil hopi bruto. Lincoln como un lider visionario, den e afamado ‘Gettysburg Address’, a delinea e direccion nobo di su pais. Para dilanti graf di cuidadano y soldatnan el a bisa: ‘We hereby resolve that these deaths shall not have died in vain, that this nation under God shall have a new birth of freedom, and that a government of the people, by the people and for the people shall not perish from the earth’ . Ta den e frase simple aki ‘di e pueblo, por medio di e pueblo y pa e pueblo’ e solucion pa trece pueblo, pais, organisacion of cualkier grupo hunto ta poni. Si e balornan comun ta wordo comparti den e mesun forma e ora ey por formula un vision cu tur ta comparti, cu metanan cu tur hende ta para su tras. Pero awendia, si bo scucha radio, wak television bo ta ripara cu masha poco ta pa e pueblo ainda. Maneho di pensioen ta un ehempel. Si bo a traha duro henter bo bida pa spaar pa bo pensioen, anto djey bo ta tende cu door di crisis bo ta bay haya hopi menos placa di pensioen, como ser humando bo ta sinti cu bo interes no a wordo bon cuida. Mientras supuestamente hendenan hopi sabi tabata maneha e fondonan di pensioen. Despues a resulta cu esnan cu ta maneha e fondonan tabatin otro prioridadnan cu no tabata na beneficio di esnan cu tabata spaar, no pa e pueblo.

gallery1 gallery1 gallery1
gallery1   

Comentarionan (3)Add Comment
Leonel
December 16, 2012
201.229.118.205
Votes: +1
...

Como por ehempel paga e indexering na e pueblo!!!!!

Leonel
December 16, 2012
201.229.118.205
Votes: +1
...

Como por ehempel paga e indexering na e pueblo!!!!!!

Leonel
December 16, 2012
201.229.118.205
Votes: +4
...

Como por ehempel paga indexering na e pueblo segun e cifranan di CBS!!!!!!!!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter