Monday, 22 December 2014
Gobierno: Hulanda impresiona cu Aruba su progreso, vision y postura positivo Print E-mail
Sunday, 16 December 2012 17:15
Comparti

fornt

E bishita di trabou na Hulanda di e delegacion di Aruba encabesa pa Prome Minister Eman a laga un impresion profundo atras. E diferente reunionnan atendi cu mandarionan Hulandes a bay den bon ambiente. E progreso y vision di Aruba cu a wordo presenta a haya bon acogida cerca e mandatarionan Hulandes, cu den palabranan cla a bisa cu Aruba ta e ehempel den Reino.

Un ehempel di cua otronan por siña. Hopi halto riba agenda di e delegacion tabata e concepto di Pre-Clearance pa Hulanda cu Aruba kier realisa, mescos cu e actual Pre-Clearance Mericano. Un otro punto di atencion ta e funcion di gate-way cu Aruba fuertemente ta ambiciona. Ambos punto di agenda a wordo en extenso discuti cu e personan envolvi. Premier Rutte, kende a bisa cu otro aña e ta bishita Aruba, tin un admiracion masha grandi pa e forma con Aruba a atende su Finanza Publico, con a atende economia y pa e fortificacion di e sistema di control di Aruba. Prome Minister Rutte ta haya cu Aruba ta resalta como un fuente di inspiracion. Secretario di estado Teeven cu kende Prome Minister a discuti e deseo di Aruba pa bin cu un sistema di Pre-Clearance tabata habri y positivo pa yuda Aruba logra su proposito. Minister di Husticia Hulandes Ivo Opstelten, e persona responsabel pa e maneho di imigracion a haya cu e concepto di un Pre-Clearance ta pas den e pensamento di Aruba pa forma un brug entre Aruba y Hulanda y vice vera. Opstelten a keda impresiona con Aruba ta trahando. “Aruba ta un partner confiabel y constructivo dentro di Reino”. Di e forma aki Minister Opstelten a duna muestra di su aprecio pa gobierno di Aruba. Comandante di Marechaussee Hans Leijtens ta otro persona cu kende Prome Minister a reuni pa discuti e concepto di Pre-Clearance, kende despues di e reunion a duna di conoce di ta sostene e idea aki y lo duna su ayudo pa logra esaki pa Aruba. Minister Plasterk, Minister di Asuntonan Interno y Relacionnan di Reino tabata impresiona cu e ambicionnan di gobierno di Aruba pa crea un economia duradero. Un bishita na e Comision diTweede Kamer di Relacionnan di Reino di e delegacion di Aruba a haya elogio pa e forma dinamico con Aruba ta atacando e crisis mundial. Un pa un e miembronan di e comision di Tweede Kamer a duna muestra di nan aprecio pa e gobierno di Aruba. Presidente di e comision Jeroen Recourt na final a gradici Prome Minister Eman pa su presentacion inspirativo. El a bisa cu Hulanda por tuma Aruba como ehempel. Mas cla e mensahe no por ta. Hulanda ta impresiona cu Aruba su progreso, vision y postura positivo.

gallery1 gallery1 gallery1
gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter