|
Gobierno: Prins di Oranje y Prinses Máxima na e conferencia di trabou di ‘Samenwerkende Fondsen’ pa hobennan den e parti Caribense di Reino |
 |
 |
|
Sunday, 16 December 2012 18:38 |
|
Su Alteza Real Prins van Oranje y Prinses Maxima tabata presente diabierna den e Johan de Witthuis na Den Haag na un conferencia di trabou di e ‘Samenwerkende Fondsen’ pa e parti Caribense di Reino.
Den presencia di representante di e cuatro gobiernonan dentro di Reino, e fondonan a presenta nan plannan pa fortifica e oportunidadnan di enseñansa pa hobennan vulnerabel riba e seis islanan. E programa ta basa riba Oportunidadnan pa Hobennan di e Oranje Fonds. Prinses Máxima a papia durante e conferencia cortico loke e programa aki ta encera. E ‘Samenwerkende Fondsen’ pa e parti Caribense di Reino ta un relacion di cooperacion di Oranje Fonds, Skanfonds, Stichting Kinderpostzegels Nederland, Fonds Sluyterman van Loo y Fonds Zorgverzekeraars. Anualmente nan ta gasta mas o menos 1,5 miyon euro na varios iniciativa social riba e seis islanan. Pa por brinda un contribucion mas duradero pa cuestionnan social, a desaroya den deliberacion cu gobiernonan y organisacionnan local un programa cu ta engrandece e oportunidadnan pa e hobennan por tin un bida economicamente independiente y apropia. E programa ta basa riba e metodo di ‘Oportunidadnan pa hobennan” y ta adapta na e situacionnan local. Den e lunanan benidero e programa ta wordo mas specifica. ‘Samenwerkende Fondsen’ kier logra cu e conferencia di trabou aki engrandece e envolvimento na e programa di e parti Caribense di Reino. E conferencia di trabou a wordo presidi dor di sr.Tjeenk Willink. Prins di Oranje y Prinses Maxima ta protectornan di e Oranje Fonds.
 |
Mustra/Kita e formulario di comentario
stranhero cu ta director di Cede Aruba: ta
trata di un enemigo di nos pais, sistematicamente
ta boicotea tur iniciativa di gobierno di Aruba...
y ainda tin cuero na cara pa "representa" nos pais...
Un berguenza cu sigur gobierno mester drecha. E conflictonan
di interes na Cede Aruba ta yega na nivel di corupcion...!!!