Friday, 24 October 2014
Gobierno: Prome Minister Eman ta inspira studiante Hulandes y Arubiano na Farel College Ridderkerk Print E-mail
Sunday, 16 December 2012 19:19

front-farel2

Durante su bishita oficial na Hulanda Prome Minister Eman tabatin un agenda yena cu reunionnan politico na Den Haag. Asina mes, ora e peticion a drenta pa e duna un discurso na studiantenan di VMBO na Farel Collega na Ridderkerk (Rotterdam), el a acepta esaki cu gran entusiasmo.

Farel collega ta un scol secundario cu casi 2000 studiante riba nivel di VMBO, MAVO, HAVO y VWO bao un solo dak. Tin varios studiante di origen Arubiano. Entre e 200 maestronan di scol tin Arubiano tambe: Regnier (Rene) Vrieswijk ta responsabel pa lesnan di economia. Docente Vrieswijk, como parti di su curriculum di economia, ta educa su studiantenan tocante e importancia di Aruba pa Reino Hulandes. Como educador y economista e ta sigui di cerca e maneho di Aruba pa diversifica su economico den uno sostenibel y su posicionamento como ‘hub’ pa Latino America. Na su yegada Eman a wordo ricibo pa e rector, drs. Dirk Wakker kende a mustra cu e bunita bandera Arubiano a wordo hisa specialmente pa ocasion di e bishita. Despues e studiantenan di Farel College a haya e honor di por a ricibi un ‘les’ for di Prome Minister di Aruba Mike Eman kende a splica den detaye kico Aruba ta haciendo economicamente y pakico ta importante cu Aruba ta forma parti di Reino Hulandes. Durante 45 minuut e studiantenan tabata sigui cada palabra di sr. Eman su les caminda el a mustra potret tambe di e proyectonan grandi cu ta tumando lugar na Aruba y e pensamento tras di un economia duradero y realmente sostenibel Nan a keda sumamente impresiona cu un isla chikito manera Aruba ta logrando mas den percentahe di uso di energia duradero cu paisnan mas grandi manera Hulanda mes Prome Minister Eman tambe a splica cu na Aruba tin un proyecto exitoso di renobacion di bario cu e hobenan di bario mes ta traha den dje. Door cu nan ta renoba y verf e casnan di bisiña, ta chapi y drecha cura, nan ta sinti nan mes mas reponsabel pa nan propio bario. Ademas nan ta haya contacto social cu nan bisiñanan kendenan ta haya tremendo pa e bario ta limpi y bunita. E pensamento cu hobennan por haci un diferencia den nan bario a inspira e studiantenan di Farel y durante e les a surgi hopi pregunta ta con Aruba ta involucra su hobenan. Tabatin studiantenan presente di decendencia Arubiano tambe, entre nan Stephany Isberta y Micheal Maduro. E presencia di Prome Minister di Aruba na nan scol a pone cu nan a sinti nan mes extra orguyoso di ta Arubiano. Na final di e presentacion atrobe un avalancha di pregunta a sigui di e studiantenan pa haya sa mas di Aruba. Hunto cu nan docente sr. Vrieswijk sigur nan lo sigui di cerca tur loke Aruba ta haciendo.

gallery1 gallery1 gallery1
gallery1   

Comentarionan (3)Add Comment
bee
December 17, 2012
46.129.117.150
Votes: +1
...

Mi ta spera cu studiantenan di Aruba cu ta volg un MBO studie na Hulanda cu no ta wordo duna na Aruba tambe por haya atencion di Arubahuis y gobierno di Aruba, pasobra si bo no tin Arubalening tur porta ta dal sera pabo. Nan tambe ta Arubiano y cu gana di sigui studia, pero ora di ayudo pa mas chikito cu e ta, ta no so e muchanan ta haya. Y aki na Aruba gobierno ta bringa pa e stranheronan y ta habri tur porta pa nan, esta pa scol. Mi ta spera cu e gobierno aki por duna e studiantenan aki tambe un tiki atencion.

IJSJE
December 17, 2012
201.229.83.217
Votes: -2
...

Sikiera alumnonan di VMBO e por inspira.
Serca nos su credibilidad a baha enormemente.
Potret di tur banda saca, h**** di s* a****.

asina mes
December 17, 2012
201.229.28.86
Votes: -1
...

Na Hulanda bo ta bai inspira studiante?, kiko a pasa cu bo mesun hendenan. Nan no tin e valor manera e hulandesnan? Of bo ta nan na Hulanda ta ganja baca pa asina nan bin judabo cu proximo eleccion?

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter