Saturday, 22 November 2014
Minister Mike de Meza: E Retonan pa logra Pre-Clearance lo ta grandi pero Hulanda tin confiansa y lo traha cu Aruba pa logra esaki Print E-mail
Monday, 17 December 2012 00:01
Comparti

IMG 9881

Minister Mike de Meza durante un intrevista a sigui informa tocante e reunionnan cu e delegacion di gobierno Aruba encabesa pa PM Mike Eman y su persona como Minister di Finansas aya na Hulanda caminda a reuni cu e directeur General di douane conhuntamente cu algun representante ehecutivo di douane di Hulanda y tambe cu e conseheronan di e Minister di Finansas di Hulanda.

E titular di Finansas di Aruba a informa cu e reunion tabata hopi positivo caminda a toca e puntonan di “Pre-Clearance” manera nos a informa anteriormente entre Hulanda, Europa y Aruba cu lo encera relacionan mas estricto cu e departamentonan di immigracion, pero tambe sigur cu e cuerpo di Douane di Hulanda y Aruba. E mandatario a hiba palabra riba e topico di “los koppeling” (independisacion) di nos cuerpo di douane for di e departamento di impuesto, y tambe riba e cachonan cu douane ta usa pa hasi control pa proteha nos fronteranan. Manera ya conoci nos tin acuerdonan cu Hulanda riba e ultimo aki y nos ta ocupa cu e proceso hunto cu FDA na Aruba pa hanya algun cacho mas cu lo mester wordo prepara na Hulanda pa Aruba. Minister de Meza a reitira cu e reunion riba e topico di “Pre-Clearence”, tabata hopi interesante y cu a papia riba e differente retonan cu tin pa cu Europa, pasobra ora ta trata di un Pre-Clearance pa Europa bo ta papiando di un grensbewaking di Aruba pa Europa y e controle ey ta algo sumamente grandi y importante pasobra tin algun tratado importante cu tin cu tene cuenta cune prome co nos por jega asina lew, ta pesey tin algun reunionan cu ta tumando lugar caba na brussel. Minister de Meza a informa cu e delegacion di Aruba a participa den varios reunionan especialmente cu PM Mark Rutte, e Secretaris general di Finansas, e Staats Secretaris di Husticia y Siguridad Nacional riba e differente topiconan, y cu tur e reunionan a bay den un direccion hopi positivo. Hulanda a confirma cu e cooperacion tey y cu Hulanda lo traha “graag” riba e differente topiconan y proyectonan cu tin na caminda, berdad cu lo tin retonan pa surpasa pero lo tin differente commisionan di Hulanda y Aruba cu lo ta trahando pa nan bira realidad. E partinan di cambio di ley, di e differente tratadonan cu tin cu e otro miembronan di e communidad Europeo cu lo mester tene consideracion cune pa jega asina lew pa hanya aprobacion na final di dia pa logra e Pre-Clearance entre Europa, Hulanda, Y Aruba cu lo ta algo sumamente benificioso y positivo, mescos cu e tratado di “Pre –Clearance” cu nos tin cu merca pa Aruba. Por ultimo Minister de meza a informa cu e “follow up”, lo sigui door di Aruba Huis, Minister Edwin Abath hunto cu nos represetante na Brussel Sr. Cedric Tilma cu lo ta informando nos riba e progreso. Tin varios commision cu ta consisti di representantenan di Aruba na Hulanda, pero tambe for di Aruba tin un team cu ta trahando duro pa logra esaki y e differente departamentonan na Hulanda mes di Binnenlandse-en Buitenlandse Zaken, tambe for di e departamento di Finansas riba e aspecto di douane, Husticia y Siguridad, dus e commissionan ta basta grandi. Trabownan a cuminsa caba, nan ta reuniendo caba cu tur e directornan general di e differente departamentonan y tur cos ta canando den un bon direccion, delegacion Gabinete Mike Eman Eman ta satisfecho!

gallery1 gallery1 gallery1

Comparti
Comentarionan (1)Add Comment
asina mes
December 17, 2012
201.229.28.86
Votes: +0
...

Ken ta bai hasi e invershon aki?

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter