| Wendy’s ta despedi di Mozzarella Chicken Supreme |
 |
 |
| Monday, 17 December 2012 09:23 |
 Cliente nan di Wendy’s por recorda cu ta solamente algun siman pasa cu Wendy’s a anuncia e yegada di e tan espera Mozzarella Chicken Supreme ariba nan menu. Durante e siman nan cu a pasa, e producto promocional cu a wordo lansa specialmente en conexion cu fin di aña a sa di gosa di un demanda y popularidad enorme.
E Mozzarella Chicken Supreme ta un producto cu cada pasa tanto tempo ta haci su regreso riba Wendy’s su menu, y e aña aki tawata obvio cu e amante nan di mozzarella no a basila pa bai busca nan sandwich of combo mas pronto cu ta posibel. Den un tempo record, Wendy’s su Mozzarella Chicken Supreme a bai “out of stock” lagando hopi di esnan cu no a haya chens di purbe ainda cu gana. E aña aki e Mozzarella Chicken Supreme tawata mas special cu nunca, considerando cu un parti di cada combo a bai pa un donacion pa Stichting Casa Cuna Progreso. Pesey, Wendy’s ta sumamente contento y agradecido pa e reaccion y aporte cu nan a ricibi for di e comunidad di Aruba cu a demonstra cu semper nan ta cla pa yuda un otro. Cu e finalisacion di promocion di e Mozzarella Chicken Supreme, Wendy’s ta despedi di un otro producto promocional exitoso y ta invita un y tur pa keda pendiente pa e producto nan special cu lo wordo lansa den 2013. Na mes momento ta invita henter pueblo di Aruba pa sigui disfruta di e famoso y delicioso Dave’s Hot ‘N Juicy Cheeseburgers cu Wendy’s ta conoci pe. Pasa un di Wendy’s su tres localidad nan cu ta situa na Palm Beach, Cura Cabay of Boulevard y gosa di un variedad di producto nan fresco y di calidad superior cualkier dia di siman, entre 10or di mainta te cu 1or di marduga. Wendy’s. You know when it’s real. |
Mustra/Kita e formulario di comentario
(PLEASE stima boso curpa hendenan, no come junk food!!!!!!!!!!!!! Hopi hende no sa, pero e cumindanan aki ta contene ingredientenan sumamente danjino pa bo curpa, mas importante cu obesidad e ta causa malesa serio, bai investiga bo mes!)