Friday, 28 November 2014
Dia di reflexion pa tur empleadonan di SKOA Print E-mail
Monday, 17 December 2012 16:49
Comparti
DSC_2063
Dia 18 di December binidero lo tuma lugar un dia di reflexion pa tur empleadonan di SKOA. E evento aki lo tuma lugar den Renaissance Convention Center. Como tal lo no tin scol e dia aki, p’e Scolnan Preparatorio, Basico y Secundario, cu ta resorta bao di SKOA.

E intencion di e dia aki ta pa como organisacion tuma un dia pa reflexiona ariba e meta principal cu nos scolnan Catolico tin den nos comunidad.

E tema di e dia aki ta “Uni bo mes cu Cristo y biba bo Fe”

Papa Benedicto XVI a bin cu aña di Fe basa riba lo siguiente:

 

-          E crisis di profundisa nos Fe den Santisimo Trinidad;

-          E crisis cu hende no ta kere mas den salbacion;

-          E crisis di confiansa; hende ta keda para keto riba problemanan cu ta rondona nan. Problema social, cultural y politico. Hende no ta mira Dios como contesta of e alternativa;

-          E crisis di conocemento di nos Fe y di Eucaristia, cu ta e fuente y esencia di nos Fe Catolico.

 

Dos orador principal lo elabora riba e tema ariba menciona:

For di Corsow, Pd. Morrison Laporte, vicario di formacion y sra. Dora Koolman-Croes, un persona masha conoci den nos comunidad cu experencia amplio den enseñansa, teologia y formacion di hende.

 

Na final di e presentacion e participantenan ta haya oportunidad di reflexiona y comparti den grupo e ponencianan treci dilanti.

 

E mainta di SKOA su reflexion ta uno intensivo, agradabel y den un atmosfera trankil. Na final di e mainta tur cu ta presente lo tin e oportunidad di comparti den un forma social cu nan coleganan. E empleadonan di SKOA lo experencia e mainta aki como uno positivo.

 

SKOA ta haci uzo di e oportunidad aki pa desea tur alumno, mayornan y henter pueblo di Aruba un Bon Pasco y un Aña nobo 2013 yena di Bendicion.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter