Friday, 24 October 2014
Cuerpo di Bombero y Cliff Faldman ta anuncia unda pa entrega y haci bo donacion pa muchanan di Breezy Point Print E-mail
Monday, 17 December 2012 22:16

IMG 0829

Den un accion di gracia den ambiente di Pasco y Fin di Aña unda cu particularmente nos muchanan ta sinti e "holiday cheer" cu e regalonan cu nan ta ricibi, e Cuerpo di Bombero di Aruba y Cliff Faldman ta organisando un "toy drive" cu cooperacion di ATA, AHATA, A.T.S.A y JetBlue pa manda co'i hunga regalo pa e muchanan di Breezy Point, New York. E efectonan devastador di horcan Sandy a afecta un cantidad grandi di e bomberonan y nan famianan den e mercado mas grandi di turismo Mericano pa Aruba, cual ta North East. Breezy Point, New York unda cu un candela a raas y caba cu 111 cas ta un comunidad cu pa su gran parti ta consisti di bombero y nan famianan, kende a perde tur cos. Sr. Faldman, ken ta coordinador di e proyecto, ta un bombero boluntario Mericano retira cu a scoge Aruba como su cas poco aña pasa y e tin un bon amistad y colaboracion cu e Cuerpo di Bombero di nos isla. Dunando aporte na e hermandad bunita cu ta existi entre miembronan di cuerpo di bomberonan rond mundo, Aruba Tourism Authority ta dunando asistencia den e proyecto aki. Cuerpo di Bombero di Aruba ta un partner sumamente importante pa turismo di Aruba tanto na Aeropuerto Internacional Reina Beatrix, como den e mundo di hoteleria y restaurant. E "toy drive", cual ta finalisa dia 21 di december. Pa tur esnan cu ta desea di contribui na e causa aki, por pasa na Certified Megamall, Top 1 Toys, Tao Toys, Van Dorp y De Wit Stores unda cu e tiendanan ta ofrece un prijs special pa e causa aki. Tambe por entrega regalo sin lora na papel di regalo na Kazernenan di Brandweer na Tanki Flip, Aeropuerto of San Nicolas. Cuerpo di Bombero di Aruba ta pidiendo donacionnan apto pa muchanan di 1 aña pa 13 aña di edad. Residente y bishitantenan di Aruba kende ta prefera haci un donacion di placa y no un co'i hunga, por deposita un contribucion na CMB #62051708 "Toys for Breezy Point" of por deposita un donacion den e diferente blekinan cu a wordo poni na tur tienda di Van Dorp y De Wit Stores. E cosnan di hunga lo wordo manda cu avion pa JFK Airport, New York City, danki na e compania JetBlue unda cu nan lo wordo busca y distribui na e kazernenan di bombero na Breezy Point. E tiendanan di De Wit y Van Dorp Stores ta: Van Dorp, Dakota; De Wit, Caya Grandi; Fantasea, Royal Plaza Mall; Cocosol Renaissance Mall; Divi Hotels Resort Sundeck y Links The Village shop; Holiday Inn drugstore; Tropicana Villamarket; Paradise Beach Villas Mini Market; Van Dorp Occidental; Hacienda Mall; y na aeropuerto: Van Dorp Main Concession y Van Dorp na e gatenan.

album album album
album album album
album album album
album   

Comentarionan (1)Add Comment
djodjo
December 18, 2012
201.229.31.12
Votes: +1
...

Cuerpo di Bombero, por resta algun pa nos muchanan di Arub tambe cu no tin ni pa come corda pa cumpra toys. Danki pa pensa solamente pa hasi show y no corda riba nos muchanan.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter