Sunday, 26 October 2014
Diabierna awor lo saca un total di 17 ganado di e campaña "Green Dreams" di Coca Cola Print E-mail
Monday, 17 December 2012 22:23

IMG 2376

Tropical Bottling Company, e compania cu ta representa Coca Cola aki na Aruba a traha hunto cu 12 compania pa asina por a ofrece e pueblo di Aruba hopi premio y ofertanan espectacular. Na Garage Cordia tabatin un conferencia di prensa pa asina anuncia e clausura di e campaña Green Dreams di Coca Cola, cual a cuminsa den luna di September ultimo. E campaña a consisti di 14 siman caminda esunnan cu a cumpra e productonan di Coca Cola y Sprite lo por a haya diferente premio y oferta pa medio di e tapaderanan berde di e botternan di 20 oz y 2 Liter di Coca-Cola, Coke Zero, Diet Coke y Sprite, Sprite Zero. Tambe tin tapaderanan marca cu FREE 20 OZ. COKE y FREE 2L COKE. Esey kiermen cu bo por entrega e tapadera marca cu “Free 20 oz Coke” of “FREE 2L Coke” na cualkier establecimento unda ta bende Coke 20 oz. y Coke 2L y bo por cambia bo tapadera pa un botter di 20 oz Coke of un boter di Coke di 2L GRATIS. Vanessa Hollander, Marketing Manager di Tropical Bottling Company a duna di conoce cu pa e clausura di e campaña aki lo tin un celebracion grandi cu un pre-seleccion. Den e campaña aki, Coca-Cola a traha hunto cu Garage Cordia - Toyota Prius C Hybrid. Luiza Monsalve, Marketing Coordinator di Garage Cordia a laga sa cu awor ta e momento pa conoce ken ta e 20 personanan cu lo participa pa gana e auto. E persona mester tin e tapadera cu e logo di Toyota Prius bao di e tapadera. Durante e 14 siman aki 3 tapadera so a sali riba mercado y pesey Tropical Bottling hunto cu Garage Cordia a dicidi di extende un invitacion pa henter pueblo pa colecta 24 tapadera y hiba nan na Garage Cordia of na Tropical Bottling. Pa cada 24 tapadera nan lo por ricibi un ticket pa asina por want'e te cu diabierna awor. Sra. Monsalve a anuncia cu te cu diabierna awor ta e deadline pa tur e hendenan cu a colecta e tapaderanan. El a bisa cu Diabierna awor 21 di December na Garage Cordia lo saca un total di 17 ganado. 'Tur e hendenan cu a colecta nan tapadera, cu a yena nan ticket y cu ainda tin chens te cu diabierna awo, nos ta pidi boso pa tey presente cerca nos na Garage Cordia entre 6'or cu 8'or, ya cu e rifa ta bay wordo haci". E dia aki lo conoce e 17 ganadonan y ademas lo presenta e tres participantenan cu ya caba tabatin e suerte di tin e tapaderanan. Cu esaki lo inicia e caminda pa e gran final dia 29 di December na Renaissance Market Place. Vanessa Hollander a agrega cu dia 29 di December lo tin e final caminda por fin e pueblo di Aruba lo conoce e 20 ganadonan cu ta bay pa e Toyota Prius C-Hybrid. E actividad ta tuma luga riba e main stage di Renaissance Market Place, cu diferente actuacion. Tambe lo tin un yen di actividad pa mucha, cu ta inclui dino jump, popcorn, ice cream, entre otro. Tur cos cu e tema di Coca Cola, el a señala. Despues di e actuacionnan lo yama e 20 personanan cu ta participando pa gana e Toyota Prius padilanti y di un manera hopi particular lo saca e ganadonan den presencia di notario. El a enfatisa cu e tapaderanan berde ta keda valido te dia 31 di December. Finalmente, Luisa Monsalve a haci un invitacion na tur esunnan cu a colecta nan tapaderanan caba y nan ticketnan pa pasa dia 21 di December entre 6:00PM y 8:00PM ya cu e dia aki lo saca e 17 participantenan pa bay den e rifa di e Toyota Prius C Hybrid.

album album album
album   

Comentarionan (1)Add Comment
simplyme
December 18, 2012
209.88.128.18
Votes: -1
...

clausura caba?di tanto kaha i 2 ltr cuma cumpra pa fiesta etc min haya ni un free ni nada.ganja boso ta sinta ganja e hende nan.berguensa boso mester tin!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter