Friday, 01 August 2014
Minister Richard Visser orguyoso con henter comunidad a contribui na evento “Cas di Glas” Print E-mail
Monday, 17 December 2012 22:34

front

Despues di 5 dia cera den e famoso Cas di Glas, diadomingo tabatin e clausura di e actividad aki y Minister di Salubridad Publico y Deporte, dr. Richard Visser tambe tabata presente pa duna sosten y aplaudi e bunita iniciativa y obra di caridad aki. Fundacion Cas di Glas, bou liderazgo di Peter Balliere, a bolbe pone un excelente evento di recaudacion di fondo riba pia y tur e fondo recauda ta bay p'e instancia Wit Gele Kruis cu na su turno lo dedik’e na proyecto pa nos grandi nan. "Pa mi tabata un gran honor y orguyo di a habri e candal pa laga e tres DJnan sali di e Cas di Glas, despues cu nan a pasa 5 dia cera pa un bon causa. E suma no ta conoci ainda, paso ainda no a conta e suma total y e bon ta, cu ainda tin hende ta sigui aporta nan donacion. Ta di aplaudi y balora e 3 hobennan aki, cu a haci un excelente esfuerso y e evento aki a demostra cu 3 diferente radio emisora a forma un union y a coopera pa haci e evento aki grandi. Tambe ta aprecia e otro medianan cu a cubri e evento aki, nos por wak cu tabatin hopi movecion durante tur e dianan aki, cu entretenimento cu varios banda y actividad”, asina Minister Dr. Richard Visser a conta. Mas leu e mandatario a sigui bisa cu “Cu e fondonan recauda, nos por move cu mas vigor pa cuida nos grandi nan na Aruba y e enfoke ta pa nos grandi nan por biba mas riba nan mes, hiba un bida mas saludabel y mas largo, logrando un miho calidad di bida. E ta algo sumamente exitoso, cuanto hende tin aki, djis un muestra mas cu ora cu poblacion bini hunto, nos ta wak cosnan grandi sosode. Un tremendo trabou atrobe di Peter Balliere y henter su staf, cu nos conoce di Clown Doctor, ya cu e tabata e palanca tras di esaki y realmente a ehecuta un bunita trabou, unda cu un biaha mas a haci algo pa nos comunidad," e mandatario a expresa. Gino Goeloe, director di Wit Gele Kruis tambe a keda masha contento y sigur masha gradici cu Fundacion Cas di Glas, ya cu nan a eherce un trabou cu no tin palabra pa gradici. "Nos grandi nan ta esunnan cu a traha pa loke nos tin awendia y p'esey ta asina bunita, con 3 DJ a dicidi di laga tur cos atras, incluyendo yiu y casa, pa haci algo pa nos grandi nan. Nan ta bay keda den recuerdo pa Wit Gele Kruis como celebridadnan di curashi, pasobra nan a cera nan mes pa 5 dia pa un bon causa y esey no tin palabra di gratitud. Nos ta contento pa tende cu ainda tin donacion ta drentando y mi ta kere cu nos ta bay surpasa e suma di 2 aña pasa. Nos ta hopi contento cu tur e sosten di e comerciantenan y pueblo en general, pasobra hunto nan a drumi y lanta cu Wit Gele Kruis pa 5 dia. Pa nos esaki tabata un gran honor y nos ta sigur cu aki 2 aña, e fundacion cu ricibi e evento aki, tambe lo gosa mescos cu nos y contribui na algo cu sigur tin necesidad den nos comunidad.

album album album
album album album
album album album
album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter