Monday, 01 September 2014
Na 2013 Santa Rosa lo introduci baca di rasa Jersey Print E-mail
Tuesday, 18 December 2012 10:16
DSC_2063
Santa Rosa bou di maneho di Minister di Turismo, Transporte y Labor, Otmar Oduber lo introduci 3 baca y 1 toro di e rasa Jersey na Aruba, cu e meta pa haci un sondeo encuanto criansa na Aruba.

E rasa Jersey ta un di e rasanan chikito di bacanan productor di lechi. Su color ta di diferente tint di bruin licht te cu maron casi preto y cu cachonan chikito. E rasa a origina na un di e Channel Islands Brittanico yama Jersey.

Un di su caracteristica inusual di e Jersey ta cu e tin e habilidad remarkabel di adapta na climanan extremo, especialmente na e clima hopi cayente, manera ta e caso na Aruba. Debi na su tolerancia excepcional na calor ta wordo pensa cu e tin un link directo cu e zebu. E Jersey ta seguramente reconoci den paisnan tropical di ta duna hopi bon resultadonan. E baca aunke un poco nervioso ta wordo considera un bestia docil y inteligente y su peso ta varia di 400 pa 500 kilo. Su averahe di lechi ta 20 liter pa dia, esaki dependiendo di su nutricion.

E toro ta un rasa Spaño, di caracter un poco temperamental cual mester tene cuenta cune. Su peso ta varia di 540 pa 820 kilo. E factor principal cu ta contribui na e rasa su popularidad ta cu nan ta economico productivamente debi na:

  • E habilidad di por tene mas bestia pa area debi na nan curpa chikito.
  • Nan ta werp cu facilidad y tin relativamente poco caso di “Dystocia” (bishe den mal posicion y no por nace normal).
  • Fertilidad halto.
  • Contenido halto di “butterfat” y di proteina.
  • Nan habilidad di produci 13 biaha nan peso na lechi den un lactancia.
  • Nan ta relativamente chikito y nan ta rekeri di menos cuminda cu e rasanan grandi.

E Jersey actualmente ta hibando un bon record den produccion di lechi, despues di e Friesnan. Tambe Santa Rosa lo ta reintroduciendo e cabrito rasa French Alpina cual ta un bestia reproductor di lechi. E ta un bestia un tiki mas chikito cu e Anglo Nubian pero mas grandi cu e Toggenburg cual ta hacie un bestia di dobel proposito, esta e tin un bon peso pa carni y e ta productor di lechi. E otro bestianan cu ta bin otro aña hunto cu e bacanan ta carnenan Dorper, y cabritonan chubatonan Toggenburg y Anglo Nubian y tambe algun Boer cual tin hopi pedida pe. E introduccion di e bestianan aki ta danki na e sosten constante cu Santa Rosa ta ricibi for di Minister Oduber, cual ta contribui na e crecimento y adelanto enorme den e departamento di DLVV.

dowers dowers  

Comentarionan (2)Add Comment
Zombie
December 18, 2012
201.229.75.26
Votes: +1
...

Den prome instante mi a mir'e pa un parlamentaria di oposicion cu ta gusta grita den e medionan di comunicacion (incluso 24ora.com). Joke! smilies/cheesy.gifsmilies/cheesy.gifsmilies/cheesy.gif

Pabien Aruba
December 18, 2012
201.229.73.2
Votes: +2
...

Tremendo, pabien.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter