Friday, 01 August 2014
Archivo Nacional Aruba ta sera dia 27 y 28 di december Print E-mail
Tuesday, 18 December 2012 12:21
DSC_2063
Archivo Nacional Aruba kier a participa na publico en general cu en coneccion cu dianan di fiesta benidero, Archivo dia 21 di december lo ta ultimo dia di trabou y lo ta habri bek pa publico entrante 3 di januari 2013.

Archivo Nacional Aruba kier a gradici tur hende cu durante aña 2012 a haci uzo di su servicio y tambe tur esnan cu di un manera of otro a duna un man den loke ta realisacion di su metanan. Tambe na nos empleadonan ta bai un gradicimento y ta desea nan tur hunto cu nan famia y henter e pueblo di Aruba bon dianan di fiesta y bon 2013.

Archivo Nacional Aruba por mira riba un aña cu hopi a wordo realisa. Nos por menciona e.o. e exposicion “Rescate di Nos Historia”, unda cu hunto cu e proyecto Expedicion Rescate y Amigo di Aruba, a presenta diferente aspectonan di nos historia y cu e enfoke con pa salbaguardia esaki.

Tambe hunto cu Fundacion Amigonan di Archivo durante di 2012 diferente produccion a keda realisa cu na comienzo di 2013 lo wordo presenta oficialmente. Ta trata aki di guianan di estudio riba e topico di segunda guerra mundial y otro materialnan.

Tambe Archivo Nacional riba un plano nacional a bin ta participando den diferente grupnan di trabou cu durante 2013 nos ta spera di mira e frutonan di esaki.

Nos ta pidi nos pueblo pa keda pendiente pa nos actividadnan pa 2013 y asina haya e sosten manera nos ta custumbra di dje.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter