Wednesday, 23 April 2014
Gran apertura di e mall mas nobo riba Sasakiweg Print E-mail
Tuesday, 18 December 2012 17:39

Orange Plaza logo

Orange Plaza ta cla pa festeha y presenta su tiendanan di calidad na henter pueblo di Aruba. E gran apertura di Orange Plaza lo tuma lugar Diabierna awor, dia 21 di December durante un celebracion di Pasco y Christmas Shopping Night. Publico lo hanja e oportunidad pa sera conoci cu e variacion di tienda di Orange Plaza Mall y servicionan na bon prijs entre otro e diferente restaurantnan,

tienda di panja y di producto di baby, beauty salon, coffee shop, tattoo shop, floresteria, delicatessen y mas. Orange Plaza a scohe pa sera aña 2012 den un forma special y festivo cu henter pueblo di Aruba. Diabierna awor, bishitantenan por disfruta di e musica di Gaita Autentico, presentacion di Popcorn Dancers y tambe diferente tasting y descuento na e diferente tiendanan. Orange Plaza ta treat e adultonan riba un happy hour cu nos cerbez local gratis y pa e muchanan lo tin un speelplaats completo cu Dino Jump, bumper boats, facepainting y mas actividad. E hobennan di www.banwakluz.com lo ta presente pa saca potret. Pa medio di esaki Orange Plaza Mall ta gradici e hobennan talentoso di Ban Wak Luz pa e photoshoot y material promocional profesional cu nan a disenja pa e evento aki. Henter pueblo di Aruba ta keda cordialmente invita pa pasa na Orange Plaza Mall diabierna awor, dia 21 di December entre 5 – 9 pm di anochi pa sera conoci cu e ambiente dushi cu tin na e mall mas nobo riba Sasakiweg.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter