Friday, 22 August 2014
Banconan cu infomercial tokante "Skimming" na television Print E-mail
Tuesday, 18 December 2012 19:53

banconan skimming

Aruba Banker's Association ta pidi atencion di pueblo di Aruba pa un infomercial tocante "Skimming", cu lo pasa na ATV awe 19 di december pa 8'or y mei di anochi, net despues cu “Noticia Awenochi” y na Tele Aruba dia 20 di december pa 8'or y cuarto di anochi durante “Tele Noticias”.

Skimming ta un acto condenabel pa ley cu por afecta tur persona cu ta uza carchinan di banco como forma di pago. E temporada di fin di aña ta un periodo hopi druk, durante cual hopi compra ta wordo haci. Cu esaki den mente e asociacion di banconan di Aruba, Aruba Banker’s Association, kier conscientisa clientenan pa preveni cu nan ta bira victima di malhechornan cu ta comete "skimming". Skimming ta un tipo di fraude pa cual malhechornan ta uza aparatonan ingenioso fabrica cu tecnologia moderno cu ta copia e informacion cu tin riba bo carchi di banco. Uzando e informacion cu ta wordo deriva di e strepi magnetico riba bo carchi di banco, combina cu bo PIN-code, o sea bo codigo personal, e malhechornan ta haya aceso na bo cuentanan di banco. Di e forma aki, uzando informacion di bo carchi di debito (ATM card/Maestro) of informacion di bo carchi di credito (credit card), nan ta traha un carchi nobo y cu esaki ta horta placa for di bo cuenta(nan). Aruba Banker’s Association ta sigui promove uso di lanta placa electronicamente como e forma di pago di mas safe, ambos na machin di ATM como pagonan electronico na machin di swipe. Y alabes ta informa cu mester tene cautela, especialmente ora di biaha. Evita di bira un victima di "skimming"! Sea alerta y sintonisa e programa di Aruba Banker's Association pa tipnan valioso con pa evita di bira un victima di "skimming". Miembronan di Aruba Banker’s Association ta haci hopi esfuerso pa combati skimming dor di entre otro controla tur ATM diariamente y tambe introduci otro sistemanan di siguridad moderno pa asina por detecta skimming. Tur Banco miembro di Aruba Banker’s Association (CMB, RBC, Aruba Bank, Banco di Caribe) ta sigura tur cliente cu a bira victima di skimming cu nan banco lo proteha e cliente su interes den tur sentido.

Comentarionan (1)Add Comment
MROdor
December 19, 2012
201.229.8.211
Votes: +0
...

No solamente mester conscientisa clientenan tokante Skimming di carchi debito (ATM card / Maestro) y carchi di credito, pero tambe comerciantenan cu ta haci uso di sistema Point-of-Sale.
Ya cu skimming tambe ta posibel riba Point-of-Sale.
Pa mas informacion tokante Point-of-sale skimmers por lesa “Credit Card Skimmers Move Beyond ATMs” riba http://krebsonsecurity.com/201...harge-yet/

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter