| Diabierna mainta spiraal rotonde ta habri: Un dia prome mester uza e rutanan pafo pa yega Playa of bay San Nicolas |
 |
 |
| Tuesday, 18 December 2012 20:07 | |||
|
Sinembargo rond di e rotonde ta bay tin algun cambio temporal. Diahuebs manece diabierna personal di DOW lo ta trahando den e area ey pa restaura e zijwegnan den nan estado normal, manera e tabata prome cu a cuminsa traha riba e rotonde, y pone den su estado normal ora cu a cuminsa ricibi trafico diabierna 6.30 di mainta. Ing. Jossy Kock di DOW kende tabata envolvi directamente den e proyecto aki, a splica cu en realidad e trabounan ta cuminsa for di diaranson, serando e conexion cu ta bay pa Cumana temporalmente. Entre 9’or di mainta pa 2’or di mainta lo ta trahando pa kita e marcacion actual pa pone luga pa e parti nobo. Diahuebs lo ta tratando durante dia riba e conexionnan, cu hopi movecion na e parti nobo, pa cual e ta haci apelacion na automobilistanan pa baha velocidad. Ta bay tin trahadonan laborando hopi cerca di caminda. Den oranan di anochi ta cera e crusada completo for di mey anochi te cu 7or di mainta. Pues henter e area ey lo ta completamente cera, cu excepcion di esnan cu ta sali for di aeropuerto of mester yega eynan pa tuma nan vuelo. Pues tur hende mester coy e rutanan pafo, for di Mahuma pa Canashito of na Drive In coy direccion di Santa Cruz. Esnan biniendo for di Playa ta wordo desvia pa pasa via Dakota y Santa Cruz pa yega San Nicolas. Kock a enfatisa ta importante pa e trahadonan tin tur trankilidad pa traha pa deshaci di tur e caretera y rotondenan temporal cu a pone. Tambe ta keda e baricadanan pa wordo poni na e parti nobo.
Comentarionan (2)Mustra/Kita comentarionan Duna Comentario y/of Comparti riba Social Medi |
Mustra/Kita e formulario di comentario
