Friday, 29 August 2014
Cambio den Ordenanza Laboral a carga aprobacion di gran mayoria di sectornan di Aruba Print E-mail
Tuesday, 18 December 2012 20:07

laboral Franklin Kock

Dos ley laboral masha importante a wordo trata dialuna ultimo durante un reunion publico den Parlamento. E prome ta e Ordenansa Laboral cu ta trata entre otro cu e oranan di sosiego di e trahado, e cantidad di oranan maximo cu e por traha pa siman.

E cambionan, segun a wordo splica door di Franklin Kock, director di Departamento di Labor, ta fortifica principalmente e posicion di e trahado. Segun el a splica, a hinca hopi mas elemento cu ta haci e ordenanza hopi mas flexibel. Ehempel di esaki ta cu adicionalmente di e siman di 5 y 6 dia di trabou, awor a introduci siman di 4 dia di trabou, principalmente pa famia caminda ambos mayor ta labora, trahando maximalmente 36 ora pa siman. Un aspecto cu a hala atencion den e cambionan ta cu e pago di overtime a bira mas atractivo, tambe standby a wordo mihor regla den ley cu su compensacion. Tambe a wordo miho regla e shift di 12 pa 6’or di mainta, unda ta indica cu ki frecuencia por traha esaki y con e pago mester wordo regla. Kock a splica tambe cu debi na un Tratado nobo na vigor, e trabou domestico a wordo bon regla den ley, specificando cuanto ora nan mag traha pa dia, nan ora di sosiego y e pago. “Un ley hopi balansa, cu no solamente e ta na beneficio di e trahado pero tambe pa e doño di trabou cu a haya mas flexibilidad caminda cu e doño di trabou no mester bay pidi permiso mas pa laga su hendenan traha overtime. Pues e ta un ley cu a tene cuenta cu ambos banda,” Kock a expresa. E otro ley tin di haber cu e uzo di trahado temporal haciendo uzo di e sistema di “uitzendkracht”. Director di Departamento di Labor a splica cu pa hopi aña largo Aruba a tolera e tipo di trahadonan aki, incluso Gobierno tabata haci uzo di esakinan. Minister encarga, Otmar Oduber, a pidi pa codifica esaki den ley di tal manera pa evita abuso. Kock a splica cu tin trahadonan cu ta traha pa hopi aña como “uitzendkracht” y nunca a haya un posicion fiho. E Minister su deseo poni den e ley ta cu un compania por haci uzo maximalmente un aña largo di un trahado como “uitzendkracht”. E idea ta cu despues di mira con bon e persona a traha, e doño di trabou por tum’e den servicio. Pero tambe cu un trabou temporal, e trahado no por bay banco pa haci prestamo. “Cu un trabou temporal hopi biaha bo no ta logra hopi di bo metanan cu bo tin den bida, of pa duna nan mas garantia riba trabou y salario, a bin cu e ley aki.” E cambionan aki tabata hopi necesario, segun Nicky Kock, pasobra e Ordenanza Laboral tabata data di inicio di añanan 50, pues un ley cu mester a bay cu pensioen caba. “Ley ora cu e wordo traha ta un refleho di e comunidad ... di loke ta biba den comunidad na e momentonan aki.” El a agrega cu hopi di e aspectonan aki cu a wordo inclui den e Ordenanza Labor ta instrumentonan cu ta wordo hinca den CAO-nan, pero por medio di un ley e trahado ta sinti su mes miho protegi, principalmente pasobra no ta tur compania na Aruba tin un CAO. Na final el a splica cu e Ordenanza Laboral ta bay conta pa mas trahado, comokiera cu e nivel di salario cu ta cay bou di e ley aki a wordo aumenta.

Comentarionan (4)Add Comment
djis un ciudadano
December 19, 2012
201.229.7.95
Votes: +1
...

Dia gobierno stipula cu un trahado temporal tin cu ricibi mesun salario cu un trahado den "vaste dienst" y cu e mesun condicion nan di trabao (arbeidsvoorwaarden), anto e ora ey e situacion lo cambia! Tanten cu permiti "uitzendbureau's" keda existi cu ta paga solamente un miserabel salario sin ningun clase di condicion nan di trabao (banda di e 15 dia di vakantie cu ta stipula pa ley sino ni esey nan lo duna), bo ta keda cu un trahado di segundo rango pues e discriminacion ta continua.

djis un ciudadano
December 19, 2012
201.229.7.95
Votes: +0
...

E ley aki no ta soluciona e problema di traha cu un contracto temporario. Awor lo bay laga e "uitzendkracht" traha pa un anja y ta lague bay na final di un anja y e dunado di trabao ta haci un cambio chikito den e tareanan y cambia nomber di e posicion y lo bolbe pidi un uitzendkracht pa un anja. Tin hopi dunado ta haciendo'e caba incluyendo e mesun gobierno! Pues, e ley no ta soluciona e inseguridad di trabao di un trahado temporal y mi ta pensa cu e lo haci e situacion pio.

R.R. Ras
December 18, 2012
201.229.31.148
Votes: +1
...

Un di e otro parti ta cu e suma cu hopi compania ta pone cu e salario cu segun e compania y cu pa ley no tin derecho ariba overtime pues ta traha basta mas ora y te hasta ta on call den weekend pero sin gana overtime y mester mendiga tin biaha pa haya algo di time back pasobra si como empleado bo mes no tene un record di e ora nan extra traha bo ta te hasta perde bo time back.

R.R. Ras
December 18, 2012
201.229.31.148
Votes: +1
...

Ainda tin mas cambio cu nos den sector priva lo desea di mira concretiza manera dia nan liber ora di muda mescos cu otro companianan manera sector hotelero y banco nan y tambe ora un famia serca fayece. Hopi biaha bo ta ser forza pa muda den weekend pero ainda e otro parti nan manera censo, Web, Elmar, banco, Setar y tur otro lugar cu tin bay haci cambio di adres cu ta solamente den siman por haci esaki nan.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter