Sunday, 20 April 2014
Gobierno: Loke comerciantenan a kere tabata imposibel awor ta birando realidad Print E-mail
Tuesday, 18 December 2012 20:58

comerciantenan MAMBO

Poco poco e siguridad den centro di Oranjestad ta aumentando. Esaki pa proteccion di negoshinan den caya grandi pero tambe pa esnan cu ta cana den centro den oranan di anochi.

Otro fase di Plan Renobacion y Revitalizacion di Gabinete Mike Eman a keda cristalisa cu e logro culminante di iluminacion di caya grandi, ora cu dialuna anochi sra.Audrey Croes-Lacle, Presidente di MAMBO, hunto cu Minister President Mike Eman y Minister Sevinger a primi e boton pa cende e luznan moderno pa centro di ciudad.

“Mi ta hopi contento y cu honor mi a cende e luznan caminda despues di dos aña nos ta mirando claridad completo den e proyecto aki,” e Presidente di MAMBO a expresa na final di e ceremonia, cual a wordo presencia pa un gran cantidad di personanan trahando den centro di ciudad of cu tabata haci compras. E percepcion cu Presidente di MAMBO a ricibi for di e comerciantenan den centro ta cu nan ta mas contento awor, pasobra e cayanan ta hopi yen riba diasabra mescos cu den siman tin hopi hende haciendo compras. “Mi ta sinti cu nan ta wak awor, loke nos a mira dos aña pasa y cu nan ta sinti awor cu loke nan a kere tabata imposibel awor ta birando realidad,” Croes a duna di conoce.

Pero tambe e tabatin palabranan di hopi aprecio y respet pa e trabou inmenso cu a wordo haci, principalmente riba e infrastructura bou tera. Tur dia, el a bisa, e tabata mira e esfuersonan cu tabata wordo haci pa keda cla. “E ta un trabou cu merece respet. E infrastructura bieu cu tabata eybou tabatin casi un siglo bieu y el a keda na nada. Pesey mi ta bisa cu loke e hendenan a haci pa drech’e tabata increibel. Mi kier felicita tur hende cu a kere y confia den e proyecto aki, a wanta duro pa keda den caya grandi, specialmente nos comerciantenan local di hopi aña .” El a agrega cu pa e localnan, hendenan grandi, cu despues di haci compras, no tin e forsa pa cana bay nan auto, e streetcar ta trece un solucion pa nan tambe.

BID

Presidente di MAMBO a papia tambe di e cambio cu nan mes ta trahando riba dje como organisacion y pa nan miembronan. Actualmente MAMBO ta un asociacion cu ta trahando pa bira un BID (Business Improvement District). Di e manera aki nan ta mira un entidad legal y ningun comerciante por nenga di bira miembro di e organisacion aki. BID ta bay carga cu e gastonan di limpiesa di caya y mantencion di matanan, musica pa ambiente y principalmente siguridad den centro di Oranjestad. Ta un trabou grandi ainda mester bini, pasobra BID ta bini cu regla y regulacionnan pa henter centro tin un solo filosofia. Tin regla con e presentacion di borchinan mester ta. Por ehempel, no ta wordo permiti pa pone propaganda skirbi na man riba papel mas den e vitrinanan. Tur esaki ta trabounan cu ta bay keda na encargo di e organisacion nobo BID. “Esaki ta e cambionan grandi cu ta pone nos hunga den Grandes Ligas. Nos no kier ta den un situacion mediocre. Tur hende cu ta stima Aruba mester percura pa mantene e luga aki, cu a costa hopi. Dios sa ki dia nos ta mira un Gobierno atrobe cu ta dispuesto pa inverti asina hopi. Nos mester bira competitivo pa gana e 38 islanan den Caribe,” el a finalisa bisando.

Comentarionan (9)Add Comment
Barry
December 19, 2012
201.229.6.98
Votes: +0
...

Hopi a duda cu tabata posibel. Ami tambe, mi tin di bisa berdad. Pero awo nos por wak cu e ta posibel. Tur cos ta posibel si bo no ta negativo. Hendenan di MEP aki riba ta super negativo y asina nos no ta yega niun caminda. Pabien, ARUBA!

Carlita
December 19, 2012
201.229.6.98
Votes: +0
...

Pabien na kaya grandi. Porfin un gobierno cu por a haci algo porfin pa e area. E tabata tin mester y necesario pa nos turismo.

gislaine
December 19, 2012
201.229.6.98
Votes: +0
...

Porfiiin. Bon trabou.

Ramonsito
December 19, 2012
201.229.6.98
Votes: -1
...

MEP a grita cu tram no por core pasobra e midinan ta robesao. Hahaha. Ata ayera mi ta wak e tram ta core blit blit! Hahaha. MEP un ta sirbi ni pa gaña.!

Sigui Nel
December 19, 2012
201.229.6.98
Votes: +0
...

Aruba por ta orguyoso di e esfuerso aki. Caya grandi no ta un herencia c*ltural y social so. Pa turismo e ta hopi necesario. Aruba por y awo a mustra!

bida
December 19, 2012
201.229.76.152
Votes: +1
...

Bondia, ami no ta ni berde ni chambon ami ta Aruba y esaki ta un progreso pa nos isla y pa su pueblo.Stop cu politica y wak e realidad esaki ta algo hopi bon cu ta pone nos Aruba na un nivel halto.Nos tur ta bai goza di dje. Pa cu e tram su color berde si mi no ta di acuerdo cune. Un color Cora of un color royal blue lo a keda mas bunita.Hopi bon pensamento MAMBO Y BID.

prorubiano
December 19, 2012
201.229.35.155
Votes: +0
...

@chambonan berde, tur partido ta juda su hendenan esey ta un feit, pero no mester abusa cu placa di pueblo anto ta eynan ta caminda cu MEP a abusa y ta pesey a perde elecshon ultimo y cu hooopi chance di bai perde esun di otro anja tambe....(x-mep)_

N'e chambonan berde
December 19, 2012
201.229.126.198
Votes: -1
...

E pandiya di family & friends cu a vreet placa di Pueblo pa mehora e ambiente rond nan negoshinan PRIVA. One bunch of parasites!

Bon trabow bon idea.
December 18, 2012
201.229.78.254
Votes: -2
...

Si bo ta stima Aruba di berdad, asina bo tin cu papia.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter