Sunday, 20 April 2014
Gremionan preocupa ta organisa cinco anochi di informacion riba “Envehecimento” Print E-mail
Tuesday, 18 December 2012 21:08

gremionan

Gremionan ta masha preocupa pa e hecho cu e seccion di poblacion riba 60 aña ta creciendo mas lihe cu e grupo cu ta drenta e proceso laboral. Leo Maduro, di Camara di Comercio, durante un conferencia di prensa riba e tema aki, a cuminsa riba un topico special, caminda a anuncia cu e gremionan empresarial – KVK, ATIA, SNBA y MAMBO – ta bay cuminsa cu un serie di nochi di informacion na diferente parti di Aruba, for di januari pa mei di otro aña.

Durante e anochinan aki lo papia riba e tema di envehecimento di e poblacion di Aruba. E problema ta sinta den e hecho cu e parti di e poblacion cu tin un edad halto ta mas grandi cu e parti cu ta laborando of mester drenta Mercado labora. Y esaki tin su consecuencia pa e infrastructura di cuido di anciano, e sector medico (mas gasto medico) cual ta haci cu esakinan lo sigui crece, mientras mas grandi e grupo aki bira. Loke ta haci e situacion mas serio, segun Maduro, ta cu e envehecimento a bay compaña pa e hecho cu menos baby ta nace anualmente na Aruba. Pues den futuro tin menos hoben cu ta drenta mercado laboral. Ta yega un momento cu tin mes tanto hende ta sali for di e proceso laboral cu esnan cu ta drentando, cu ta trece cune cu si mantene e tipo di economia actual, Aruba mester bay importa trahadonan di afo pa por yena e cupanan di trabou. Riba e infrastructura tambe e tin su consecuencia. Tur e preocupacion ariba menciona ta wordo comparti door di e gremionan, principalmente despues cu esaki a keda discuti ampliamente den e Dialogo Social. Den cuadro di esaki, Maduro ta bisa, a yega na dos punto importante cu mester traha riba dje: introduccion di e seguro di pensioen obligatorio pa sector priva, cual ta un deseo di hopi aña caba y a combina esaki cu e flex-pensioen. Diferente gremio tabata consciente cu e dos puntonan aki no tabata suficiente pa salvaguardia e sistema di pensioen AOV, pa garantisa cu mayan tin suficiente placa pa e cuido medico. Pero principalmente e fondo di AOV ta un preocupacion pasobra ta calcula cu pa 2014 e fondo di reserva di AOV lo ta completamente bashi, cu ta haci cu Gobierno mester coy placa for di su presupuesto pa pone den e fondo y cubri tur e pagonan cu mester wordo haci.

Comentarionan (1)Add Comment
MOOI WEER !!!!
December 19, 2012
201.229.19.11
Votes: +1
...

Ken ta compronde e "Gremio nan" ki???Luga di pone Gobierno hasi su trabow y percura pa e pueblo y su juinan lo por tin un Futuro manera nos TUR a conose desde Nos Status Aparte. pa STOP di hasi cos di TEENAGERS y Pone " Bumba in DromenLand" lanta ariba pa zorg pa nos tur por tin mas placa den saco y NO E so cu su Brother Big Shot nan...Awo GREMIO ta bin manera un BOBO prepara tur hende pa e "Horror Senario"!!!Awor cu pavia di luhiamento tur cashi y lachi ta bashi...Awo boso ta Preucupa pa pueblo???....Donder OP...a boso tur hunto a sera cabes pa fiesta y luhia "EN GRANDE" y horca e pais y su Yuinan mas y mas...Awo bai wak ta con BOSO hunto cu Marlon Clarisca Melvin Donny y Dammers Lorna lo hasi 1+1=2

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter