Thursday, 30 October 2014
DOW y Polis ta haci apelacion na chofernan pa sigui tur indicacion marca riba rotonde Print E-mail
Tuesday, 18 December 2012 21:02

dow

Den e conferencia di DOW pa duna splicacion di apertura di e spiraal rotonde dilanti aeropuerto diabierna awo, a bisa cu e rotonde lo ta esun di mas grandi. E spiraal rotonde por ser mira mescos cu un Turbo rotonde ora cu drenta esaki, numa e ta un tiki mas grandi, pues cu tres caminda cu ta yega cu dos caminda riba e rotonde.

E lider di proyectonan di DOW durante e conferencia a sigui splica cu e caminda ora bo subi e spiraal rotonde e mes ta guiabo con pa sali bek. Ora bo ta riba rotonde tin basta strepi. Asina bo ta drenta un ring nifica bo no mag di crusa. E caminda y e marcanan ta bisabo tur cos. Tin dos linea marca na e lomba di cacho cu ta comparti e caminda. Pa evita accidente na e rotondenan ta pone e lineanan aki hopi cla. Esnan cu ta baha di San Nicolas y kier bay direccion Cumana, mester bay full na man drechi, mientras cu esnan cu kier bay Playa of Cumana ta tuma e “lane” mey-mey. Mientras cu esnan bahando for di San Nicolas y kier bay aeropuerto ta core completamente aden di e rotonde. Unabes bo ta den e “lane” riba e rotonde, cu ta marca, e chauffeur no mag crusa di un banda pa otro. E linea paden ta straight, cual ta nifica, segun leynan di trafico, no mag cruza pa bay otro “lane”. Si no respeta esaki, ta causa accidente innecesariamente. Jossy Kock a ta haci un apelacion na tur chauffeur pa simplemente core trankil den e prome dianan, y sigui e marcacion di e lineanan, e borchinan y tur cos ta bay normal. Kock a sigui comenta cu e automobilistanan no por bay haci uzo mas di e rutanan alternativo, ya cu e adernan aki lo wordo completamente cera. Tambe el a bisa cu tin un parti di iluminacion a yega cu ta wordo poni, y ta keda falta un area cu no ta ilumina. Pero pa esaki DOW y autoridadnan concerni tin un plan B. Ta bay instala light unit den e parti mey-mey pa duna iluminacion na e trafico cu ta yega spiraal rotonde. ELMAR ya caba ta trahando riba e luznan na e parti pafo.

Comentarionan (2)Add Comment
correction
December 19, 2012
190.104.99.205
Votes: +0
...

ken a bisa cu mep ta bay gana? AVP si a cumpli, nan no por a cumpli cu BBO, pero ya ta MEP (Mal Ehempel pa Pueblo) a introduce tog. anto ta AVP ta haciendo cosnan cu MEP no por a haci den 8 anja. anto hello stop di critica di placa. it takes effort to reach your goals. tin cos na mundo tin consequences!!!. Hey esaki almenos ta alivia e pegamento di trafico dilanti di airport tur mainta tempran.

Bon trabow bon idea.
December 18, 2012
201.229.78.254
Votes: +1
...

Un otro d**or pa mep.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter