Sunday, 21 September 2014
Cooperacion entre Biblioteca Nacional Aruba y Philipsburg Jubilee Library Print E-mail
Wednesday, 19 December 2012 09:41
DSC_2063
Recientemente Sr. Ronny R. Alders, funcionario di Biblioteca Nacional Aruba a haci un biahe di trabao pa St. Maarten pa dos siman den cuadro di intercambio di expertisio entre Biblioteca Nacional Aruba y Philipsburg Jubilee Library.

Sr. Alders a bay asisti Philipsburg Jubilee Library cu e “Traveling Digital Anne Frank Exhibition” di Anne Frank Stichting di Hulanda. Entre otro el a percura pa e guia necesario pa e scolnan basico y secundario di St. Maarten. E splicacion a bay den e idiomanan Ingles y Hulandes y tur studiante y docente tawata tin e oportunidad pa haci pregunta tocante e bida di Anne Frank durante cu e tawata sconde den e Achterhuis na Amsterdam. Tambe Sr. Alders a tene un charla tocante e bida di Boy Ecury, e heroe Arubiano di e di Dos Guerra Mundial pa e publico presente den e sala di Philipsburg Jubilee Library. Despues e publico por a wak e exposicion di Boy Ecury.

Danki na e bon cooperacion di Archivo Nacional di Aruba tawata posibel pa presenta e exposicion di Boy Ecury. Tambe a presenta un pelicula tocante e bida di Boy Ecury. E organisacion di Arubianonan residencia na St. Maarten esta “Chuchubi Foundation” tambe tawata presente durante e charla y e anochi informativo. Den futuro lo por spera mas cooperacion entre Biblioteca Nacional Aruba y Philipsburg Jubilee Library.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter