Friday, 19 December 2014
YMCA a regala 200 mucha un celebracion inolvidabel Print E-mail
Wednesday, 19 December 2012 10:14
Comparti
DSC_2063
E nificacion berdadero di Pasco ta e cos mas importante pa nos muchanan haya sa den e dianan aki, p’esey mes, AnkyVrolijk, como secretaria general di YMCA a keda hopi contento cu loke henter e team di YMCA a prepara pa 200 mucha.

Meta principal di YMCA tabata pa duna algo bek na nos comunidad, door di haci un bunita y inolvidabel cena di Pasco p’e 200 muchanan aki, como tambe laga nan wak e berdadero importancia di Pasco, unda cu un juffrouw a bin presenta e berdadero nificacion pakico nos ta celebra Pasco. E presentacion di baile di grupo di Jeanette a impresiona masha hopi mes y tambe tabatin diferente show mas di e muchanan mes. Na final di e celebracion aki, cada mucha lo bay cas cu un bunita regalo.

“YMCA ta conoci den comunidad pa brinda nos muchanan diferente servicio y mi kier yama danki na tur e mayornan cu a pone nan confianza den nos y cu den 2013 nos lo tin hopi mas pa brinda e mayornan. E mayornan por bishita nos pagina riba Facebook y wak na ki servicio nos por yuda nan, ya cu nos tin tur tipo di les. Mi kier gradici henter e staf di YMCA, cu a traha henter aña y specialmente p’e gran evento aki y na YMCA San Nicolas cu a duna un bunita baile. Di awo caba mi ta desea henter pueblo di Aruba un Feliz Pasco y prospero Aña Nobo”, asina Anky a termina bisando.

TOCANTE YMCA

YMCA Aruba a wordo funda 56 aña pasa pa Bob Steele, kende a wak un necesidad pa bin cu un lugar pa hobennan pa evita cu nan lo ta ariba caya. Sin fondo disponibel, cu e lema “Without a cent, but with hope and prayer”, un grupo di persona a cuminsa cu e organisacion cual a haya apoyo di entre otro Lago Oil and Transport Co y Rotary Club pa asina na maart 1958 YMCA por a logra inaugura su prome edificio na Aruba. YMCA tin como meta pa crea personanan util y abil den nos comunidad pa medio di brinda guia y motivacion, pa asina nan ta un influencia positivo ariba nan contemporaneonan.

Trahando hunto cu YMCA international YMCA Aruba a expande su programanan pa inclui programanan pa henter famia tambe, na añanan setenta. Golden Agers, cual ta cumpli 50 aña e aña ki y Y’s Man a hunga un rol importante den e programanan, creando fondo pa inverti den YMCA.

YMCA ta ofrece diferente actividadnan manera campamento pa mucha, campamento pa hoben, recreacion deportivo manera p.e. volleyball y basketball y otro deporte, como tambe eventonan social.

YMCA ta e prome “tra’i merdia”, yama Y’s Care (YMCA Care) cu a cuminsa na Aruba 23 aña cu un programa di asistencia cu huiswerk y recreo.

dowers dowers dowers
dowers dowers dowers
dowers dowers dowers
dowers   

Comentarionan (1)Add Comment
prorubiano
December 19, 2012
201.229.35.155
Votes: +1
...

hooopi bunita mes y ta hopi di aprecia pero e ymca di awendia no ta e ymca di antes.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter