Tuesday, 21 October 2014
Compra N.V. su calender di aña 2013 ta obtenibel Print E-mail
Wednesday, 19 December 2012 11:57
DSC_2063
Nos ta den e ultimo luna di aña y e dia nan di fiesta ta asercando na unda tur famia di Aruba lo festeha Pasco y habrimento di aña 2013. Cu hopi orguyo Compra NV ta anuncia cu e calender mas gusta pa tur hende ta obtenibel.

E calender aki aña tras di aña a capta atención no solamente aki na Aruba pero tambe hopi pedida ta bin pa como regalo pa e Arubiano den exterior. Un calender cu sigur ta aporta na nos cultura door di e escohencia di e cover cu den pasado a hiba diferente parti di nos cultura di Aruba riba e portada.

E aña aki manera tur aña ta delibera cua ta esun cu lo bin na remarca pa asina por bira parti di e colecion di Compra su calender. Pa aña 2013, COMPRA a seleciona Water toren na Oranjestad cu a wordo remodela completamente.

Den e calender manera tur aña tin 12 receta cu ta hopi fácil y hopi dushi mes. Receta prepara cu productonan Kraft Philadelphia Cream Cheese, Birds Eye vegetables, Chuculati Cadbury, Wesson Oil, Riceland, Kraft Dressings, Tyson, Tang, Bacoba Tropic Ale, Hunt’s, Frisian Flag, Zwan, Frico Butter y Keeshi. Productonan di calidad y cu no lo por falta den cushina. Product Vision e aña aki a bolbe haci un tremendo trabou y danki tambe na Screaming Eagle cu Chef Chef Erwin Husken cu a prepara e delicioso platonan y Paul van Driel pa su bunita potretnan. Den e edición aki a wordo agrega e siguiente ilustración di personahe cu ta wordo honora Nydia Ecury (Autora y Actriz), Ana Hochman ( Fundadora y propretaria La Linda), Otilio Davelaar ( Papiamentista), Henrico Emerencia (Officier di Schutterij), Jerry Gomez ( Deportista y Director di IDEFRE), Supriano van der Linde ( Musico, fundado di Mariachi Perla di Aruba, Marcial Gregoria Tromp ( Schutter, deportista y comerciante), Mimi Kock ( Bailado Folklorico)

Tur esnan cu ta desea di haña e bunita calender akinan por pasa na Compra den Engelandstraat y ricibi e calender aki den un forma gratuito. COMPRA kier a gradicio e pueblo di Aruba en general pa e sosten den e transcurso di henter e aña 2012 y danki tambe na tur esnan cu ta stimula y conserva nos cultura, folklor y tradicion

 

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter