Wednesday, 01 October 2014
Donny Rasmijn: Ley nobo di Hondenverordening a wordo aproba unanimamente den Parlamento! Print E-mail
Wednesday, 19 December 2012 17:29

Front Flags

Diaranzon 19 di december 2012 e ley nobo di cacho, Hondenverordening a keda aproba unanimamente den Parlamento di Aruba. E ley aki ta bin cu diferente cambionan positivo cu mester bay contribui pa menos cacho cana riba caya y reduccion di maltrato di cacho. “Den e ley anterior, tur infraccion cu wordo cometi, por ehempel si un cacho ta cana los riba caya y sin banchi,

e cacho por wordo mata mientras no ta su culpa cu e ta cana los pero di e doño”, Rasmijn ta bisa. Tambe e unico boet cu un doño di un cacho por a haya ta maximo 25 florin. E minister responsabel pa ehecucion di e ley nobo aki lo ta esun di Husticia. Den e ley tin entre otro cu un cacho mester haya suficiente cuminda di bon calidad tur dia, e mester haya sufuiciente awa pa bebe, e mester ta proteha pa solo, yobida y biento. Si e ta mara e cadena mester ta suficiente largo pa e cacho por cana y encaso cu e ta malo e mester haya atencion medico. Un cacho no mester ta un molester pa e vecindario y no mag di cana liber riba tereno publico y riba tereno di un otro persona. Riba tereno publico un cacho mester ta acompaña cu un persona y e mester tine na liña. Tin un lista cu nomber di cachonan cu por wordo cataloga como cachonan peligroso. Si un cacho wordo cataloga como peligroso, e doño mester pidi un vergunning pe, e mester wordo sterilisa, e mester sera un seguro di tercera parti pe y e mester cana cu un bosal ora cu e doño ta cana cune riba tereno publico. Cachonan cu wordo haya riba caya of un cacho cu ta wordo cataloga como peligroso no tin permiso, e ta wordo hiba den bewaring. E costo pa tuma e cacho den bewaring mester wordo paga dor di e doño ora e bin busca e cacho. Si su doño por wordo identifica, nan ta mantene 10 dia di trabou den bewaring anto tres dia dia trabou, si e doño no a wordo identifica, promer cu dicidi pa regala e cacho na otro hende of finalmente lo pone drumi. Doñonan di cacho cu no mantene nan mes na e ley aki por haya un boet maximo di 10 mil florin. Tambe maltrato di cacho dor di abusa di nan fysicamente of organisa pelea di cacho, incluso si un hende bay wak e peleanan aki, ta keda catigabel segun nos ley penal existinte. “Cu e ley aki nos mester por reduci e cantidad di cachonan cu ta cana riba caya pasobra segun estudionan haci 85% di cachonan di caya tin un doño y asina drecha nos nomber internacionalmente dor di preveni cu miles di cacho ta wordo mata anualmente na Aruba”, Rasmijn ta termina.

Comentarionan (7)Add Comment
What's now
December 21, 2012
201.229.118.139
Votes: +1
...

@asina mes bo tin razon...ta placa nan ta busca y e kabrito nan mes tambe tin un ley cu ta bisa no tin ley pa kabrito.Si tin hende cu tin molester di cacho paso e ta blaff anto tin oordopjes /pone un bosal pa un cacho ta dierenmishandel.Tin algemene dieren/volgel bescherming tin hopi hende tin pajarito,acuarium,morocoi,galinja ,gai di pelea ect...tambe ta bai paga belasting ect...regr...?????of ta descrimina cacho???

asina mes
December 21, 2012
201.229.9.27
Votes: +1
...

Mi cachonan ta den mi cura, esei ta mi propiedad y mi no mester ningun permiso. Ta plaka boso kier saka di hende pa paga pa tur sorto di gasto pa tin un cacho. Mi tin basta gasto caba cu mi chachonan. Ta ki derecho boso tin pa steriliza mi cacho, boso ta crianan? Mi kier wak cua politico ta pasa otro anja busca voto na mi cas. Mi 5 pitbullnan ta warda boso.

The Observer
December 20, 2012
201.229.45.228
Votes: +0
...

Nos prome minister merece hopi mihor team pa traha rond di dj'e...

What;s now
December 20, 2012
201.229.127.101
Votes: +3
...

E kabrito nan mes a keda keto.E ley aki no ta bisa si un malechor drenta den bo cas of terendo y si e cacho defende su donjo/tereno ken tin c*lpa e ley mester ta duidelijk si e donjo tin razon ken ta paga e boet?Y si bin cu honden belasting mester bin tambe cu tur sorto di dieren belasting,y mas control riba hobennan malechor minderjarig di duna nan majornan tambe un boet mescos cu di e cacho nan porta esei lo juda nos comunidad.Y puntra e tourista nan mas kiko ta molestia nan.

The Observer
December 20, 2012
201.229.13.127
Votes: +0
...

Wel, si e ta bai costa mas placa y problema pa por tin cachó na casnan, anto esnan cu lo fiesta ta e l****nnan y comerciantenan. E l****nnan lo haya hopi mas oportunidad pa drenta cas di hende pa horta. Y logicamente, ora l****n horta cosnan di hende, e hende mester bai cumpra e cosnan ey nobo serca comerciantenan... O comerciantenan lo ta contento cu esey!!! Anto ora di campaña politico, lo ta asina mas facil pa haya placa di comerciantenan pa sponser campaña politico... Awor ta voto di ken ta conta? Di ningun hende toch???

D.T.I?
December 19, 2012
201.229.85.217
Votes: +4
...

Mi ta hopi contento cu bo a bin cu e hondenbelasting, porfin tin un homber cu ta pensa di para den su sapato,,,, pero pe belasting bin na vigor Donny mester cuminsa paga e chines dilanti di su cas pa tur e mercancia cu e ta fia tambe y e botter di rumnan cu e ta bebe. Ser un parlamentario, pero no un sin berguensa... Cumpli awor!!!

N'e chambonan berde
December 19, 2012
201.229.125.51
Votes: -1
...

Sigur no. bida di cacho ta mas importante cu bida di hende. Pueblo ta wordo suta door di crimen y cachonan ta wordo defende. Sigui apoya e gobierno DIABOLICO aki. Despues dje sinberguenzanan geel esunan berde ta bay cu e 'Oscar' di laga Pueblo na caya.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter