Thursday, 27 November 2014
Guilfred Besaril: Sindicato di Polis indigna cu carta di Gobierno Print E-mail
Wednesday, 19 December 2012 17:46
Comparti

Besaril001

Sindicato SPA a haya un respuesta diparti di gobierno cual nan no ta mucho contento cune. Sr. Guillfred Besaril a trece pa dilanti cu den un carta di 4 pagina cu gobierno a manda SPA, a sinta ripiti dos biaha e mesun storia cu nan a bati sindicatonan cune durante e tres reunionnan cu a tuma lugar entre gobierno y gremio sindical. Porcierto, reunionnan cu a dura masha largo y den cual e puntonan cu a bolbe wordo menciona den e carta a keda ampliamente discuti. Na final di e carta, prome minister ta menciona cu door cu e sindicatonan ta insisti di kier sigui riba e tema, gobierno di su banda tambe ta dispuesto pa sigui reuni. Pues si no ta pa e insistencia di e sindicatonan, e tema aki lo ta un “done deal” pa gobierno! Pero na momento di analisa e carta mas profundo, niun caminda gobierno ta menciona nan disponibilidad pa duna algo pa compensa e perdida di poder di compra cual ta 3.6%. Segun sr. Besaril, kizas su interpretacion ta robes of su Hulandes ta un tanto “gebrekkig”, pero ta sinti e contenido di e carta ta como sifuera cu e gobiernoa actual ta bisa e gremio sindical cu nan a haci “asina hopi” caba pa e sindicatonan y empleadonan publico, cu eigenlijk e empleado publico y e sindicatonan NO MERECE pa sigui pidi nada mas! Alcontrario, e empleadonan publico mester reconoce con bondadoso e gobierno aki tabata cu nan y pone man na curazon. Segun sr. Besaril, esaki ta un insulto pa e empleadonan publico, vooral si tene na cuenta cu gobierno su practica durante e ultimo añanan, esta di pone mas atencion na e.o. inversionnan commercial (projectonan pa stimula nos economia a corto plazo, pero cu no tin un estudio kico lo ta nan “return in investment”) y di duna esnan di menos entrada un ahustacion chikito (pa asina tene nan contento pa nan no grita mucho) y sigui laga esnan di un entrada modera “clase media” sigui carga tur e golpinan economico di Pais Aruba. Castigando y desangrando e grupo aki di nos comunidad. Si sigui analysa, no a baha nan gastonan y si ta permiti na duna cierto grupo di trahador(cu por bien ta cu oficial no ta ambtenaar mas, pero cu si ta ricibi nan salario directamente for di caha di gobierno) un bunita aumento salarial plus un jugoso 13e maand. Riba e parti ey sr. Besaril ta sigui elabora di ta masha contento pa e grupo aki di trahador y ta felicita e sindicato cu a logra e CAO pa nan pero no por ta asina cu pa otro semper tin anto pa ambtenaar nunca no por nada! Pa sr. Besaril, ta gobierno ta esun cu mester pone man na curazon. Si mira cuanto e empleadonan publico a ricibi di gobierno (esta 5300 florin), pero door di e perdida di poder di compra (3.6%) nan a wordo ranca un promedio di casi 2000 florin, practicamente no por papia mas di un adelanto real pa e empleadonan publico. Den sector priva, ta conta pa esnan cu ta afilia na un sindicato manera p.e. STA of FTA, cu semper ta wordo negosha un forma pa compensa e perdida di poder di compra. E motibo principal tras di esaki ta cu tur hende ta conciente cu si no ahusta entrada di e empleadonan, dificilmente nan por sigui mantene e mesun calidad di bida. Un trahador asina nunca por wordo stimula pa duna 101% na pia di trabao. Ta lamenta cu semper ora ta negocia pa e trahadornan den sector publico, semper ta haci como si fuera cu locual e sector aki ta pidi no ta algo comun den p.e. sector priva. Locual ta sosode den sector priva ta cu no ta tur hende ta afilia na un sindicato. Hopi di esnan cu no ta haci esaki ta paso tin e temor di repercucion na trabow. Defacto sin tene cuenta cu afiliacion ta un derecho di un trahador. Ningun doño di trabao por kita un empleado paso el a afilia su mes na un sindicato. Pa finalisa sr. Besaril a bisa cu SPA su bestuur ta cla pa cana e caminda cu su miembronan indica nan. Pa es motibo ey a jama un reunion cu character di urgencia pa tuma lugar diahuebs awor dia 20 di December pa 2:30’or di atardi na POVA Club na Barcadera. "Den man di e miembronan y no di e directiva, e gobierno actual ta!”

Comentarionan (11)Add Comment
Ban serio
December 20, 2012
201.229.12.12
Votes: +0
...

Ja bo No por ta indigna mas ja AVP a dunabo bo lollipop pasa un Pasco

Arubiano Realistico
December 20, 2012
201.229.13.224
Votes: +0
...

Mi no por kere cu mayoria di polisnan mes ta di acuerdo cu e manera cu Besaril ta representa nan. No hinca politica den moda di reprensenta sindicato. Prome cu 2009 Beasaril no tawata tin boca grandi asina y despues di esey e tawata haci su mes ridic*lo di cada bes bandona mesa di negosacion, pa despues su colega-sindicatonan toch ta yega na un acuerdo. Parce pues cu ta ora besaril ta presente e ta stroba e otro sindicatonan yega na un acuerdo.
Parce cu den cuerpo policial no tin ningun otro cu ta willing pa tuma e puesto como presidentte di nan sindicato over y asina e meneer aki ta sigui aguita e gobierno aki mas bien manera un sipasitante di e partido MEP. Homber grow up y stop di hunga politica, ta polis bo ta ?

prorubiano
December 20, 2012
201.229.35.155
Votes: +1
...

@rock , dikon bo ta blo c*lpa ambtenaar acaso den WEB/ELMAR/SETAR nan no ta duna mal servivo tambe y tog ta gana un dineral mas cu ambtenaar y tin super mihor beneficionan cu ambtenaar y tur ora tambe ta blo pidi plaka plaka plaka manera ELMAR y na final ta nos pueblo mester paga e salario di hendenan aki inclusivo esun dibo.

Real Truth
December 20, 2012
201.229.11.118
Votes: +7
...

Please no compara cu sector priva, paso locual abo y e algun otro ambtenaar ta haci nos den sector priva no por haci, manera p.e. studia ora di trabow y cobra placa di pueblo of no sr. Bessaril? Jega trabow ora bo kier y awor pio door cu e hustificacion ta cu mi ta president di SPA. Meld ziek anytime paso e parranda tabata na ordo e dia prome y cobra 100% di salario. den sector priva masha dia lo bo tabata unemployed paso hasta pa canta bo mester diciplina. Prome cu bo manda algo prensa lese bon y laga esun cu a skirbie corregi e foutnan prome.... Bo ta representa Polis no MEP......

rock
December 20, 2012
201.229.40.158
Votes: +6
...

Besrail su nomber mester wordu cambia pa PLAKA Y MAS PLAKA. Ningun momento bo ta tende Besrail bisa cu cuerpo policial mester traha cu mas eficaz pa resolve hopi atraco, joyriding, l****nicia, narco-traficante nada di esey, puro plaka plaka y nada mas. No confia e smile cu e tin, simplemente e persona aki ta FALSO Y SINVERGUENZA. Keriendo, pasobra e ta polis ta DIOS mes e ta, the untouchable ta keda chiquito banda di dje. Ami ta un persona cu ta contra cualkier persona cu kier perjudica e pais (ARUBA) aki, den e caso aki ta BESARIL.

rock
December 20, 2012
201.229.40.158
Votes: +2
...

Na NAN, asina mester ta Ambtenaar no mester gana mas cu esunnan den sector priva. Ta pesey e gobierno ta pesta cu in-aptonan cu no por atende publico. (Ta pueblo ta paga nan salario) Ora bo ta traha den sector priva, bo ta sinja valora esun cu ta paga bo salario, y bo ta duna nan e mihor servicio cu bo por, pa nan por bin back. Ta pesey nan mester ta e mas mal paga, pa nan busca un moda di sali y busca mihor trabao den sector priva. Esun cu e sapato sirbie, bistie!!

Justicia
December 19, 2012
201.229.9.18
Votes: +12
...

Wak pa bo no ta hajabo ta guli bo palabranan.Bo i e grupito bo tras ta hopi golos,i no tin pasenshi.

Mai
December 19, 2012
201.229.118.67
Votes: -2
...

2009: Gobierno ta nenga duna indexering
: AVP ta priminti indexering mane nan sinta.

2012: Gobierno (AVP)ta nenga di duna indexering.

I Besarli ta fout ?????

rod
December 19, 2012
201.229.24.167
Votes: +13
...

Sr. Besaril atrobe a faya barbaramente y a keda
su so bringando un causa cu ta perdi den tur sentido.
Cuerpo policial Arubano no ta un ala di partido MEP y
sigur e strategia di Besaril ta un ofensa pa inteligencia
di nos polis. Bula di mesa di Dialogo Social y contamina
politicamente SPA ta un mal idea....Burico ta esun cu no kier sinja !!!!

Mojendi
December 19, 2012
31.151.210.190
Votes: +10
...

E sindicato ta indigná of ta Besaril ta indigna???

nan
December 19, 2012
201.229.91.67
Votes: +11
...

Wel pa ATA Sui Generis a bai cu 30% adilanti den nan salario plus awor nan a haya awg.340,= di indexering. E trahador nan di WEB a haya awg. 200,= na indexering. Locual cu ta trahadornan di Elmar, Setar, WEB, AAA tin miho benfecio cu e ambtenaarnan mes y tur esaki danki na gobierno cu ta donja di nan y door cu nan a bira NV awe nan ta miho para cu ambtenaarnan.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter