Monday, 21 April 2014
Prome Minister Mike Eman: Apoyo den comunidad ta creciendo pa minuut Print E-mail
Wednesday, 19 December 2012 20:11

front

Diamars anochi Prome Minister Mike Eman tabata hunto cu ehecutivo y expertonan di e compania Mericano fabricante di e streetcar pa realisa e prome testnan. Tabata un momento historico, yena di emocion. Tabata presente tambe Minister di Infrastructura Benny Sevinger, secretaria di Conseho di Minister Nicole Hoevertsz y señora di Premier Eman, Doina Eman.

Magnitud di e logro tabata visibel den cara di e grupo di trahado di contratista, ingenieronan di DOW, y comerciante y ciudadanonan cu casualmente tabata presente pa experiencia e momento special. Hendenan a sali di nan cas, negoshi y oficina y te hasta para auto pa wak e tram pasa. “E intencion tabata pa haci e test laat pa ta mas trankil, pero e tram ta hala hopi atencion y simpatia,” Premier Eman a indica. “Tin un entusiasmo grandi pa algo di tanto importancia y cu ta bira parti di nan caya grandi.” Hunto cu e renobacion di Caya G.F. (Betico) Croes, finalmente tin muestra palpabel di e vision di Gabinete Mike Eman pa un Oranjestad nobo, mas bunita, mas moderno, pero principalmente mas beneficioso pa e comerciantenan, pa e bishitantenan y pa e pueblo di Aruba. “Gobierno a insisti riba su vision. Tabatin hopi critica, pero awe mas y mas di nos ciudadanonan ta hayando un entusiasmo hopi grandi,” Prome Minister a bisa. E streetcar a sali for di e remise riba tereno di waf y den Schelpstraat a haci testnan di brake mientras cu net prome cu edificio di Nicky Habibe tambe a haci testnan di velocidad pa tuma bocht, etc. “Nos tin persona di HTM hunto cu e compania Mericano ta haciendo tur e trabou di revision y ahuste, percurando pa e siguridad di tur e pasaheronan abordo di e tram,” Prome Minister a indica. Diasabra mainta pa 10 or lo tin un ceremonia special di introduccion na cual henter comunidad di Aruba ta invita pa presencia e momento special aki. Tur hende lo tin chens di wak e streetcar di cerca, subi y core den dje. “Diasabra e ta henter dia den caya,” Premier Eman a bisa indicando cu lo ta bou vigilancia di Polis den trafico ya cu ta falta algun aspecto di siguridad den infrastructura cu pronto lo keda instala. No tin duda den mente di nos Prome Minister ni di su Gabinete cu a tuma e paso corecto pa garantisa revitalisacion di centro di ciudad y hib’e bek den su era di gloria, si no ta inicio di un era miho. E invitacion ta pa henter pueblo di Aruba bin diasabra mainta den caya grandi y celebra e logro aki cu ta di Aruba completo.

gallery1 gallery1 gallery1
gallery1   

Comentarionan (7)Add Comment
rasmijn
December 20, 2012
190.104.101.199
Votes: +1
...

Anto mira kon sanicolas dia pa dia ta bira un ghost town. Sorry pero e realidat mester mira i bisa.

Bisaberdad
December 20, 2012
206.48.23.21
Votes: -1
...

@Berdad: project management ta loke mep twt hasi.
Laga tur caminda, edificionan, delaster un infrastructuur bai verval!!
Esey twt e maneho!!! Sin renoba nada mes e placa a desparece. Raton a come e placa? Puntra e lider di MEP.

prorubiano1
December 20, 2012
201.229.12.249
Votes: -2
...

PabienPueblo di Aruba, nos a hanja un bunitesa di caya grandi, e mas bunita den caribe...we r blessed

... Low-rated comment [Show]
... Low-rated comment [Show]
!!!BERDAD!!!
December 20, 2012
201.229.125.9
Votes: +7
...

Comunidad ta cla pa mira mas cu 40 millon florin arubiano cu a worde benta afo, ora e TRAM pasa ariba e heronan den caminda! Un berguenza di Proyecto cu ta MUESTRA cu nos GOBERNANTENAN no tin un tiki idea di PROJECT MANAGEMENT, No tin un Lista di PRIORIDAD y ta GOBERNA AD HOC, malgastando placa cu nos ta paga tur luna na SIAD, pa medio di BELASTING!

Gregory E.
December 19, 2012
201.229.72.107
Votes: +12
...

Si claro...hopi apoyo bo lo hanja di nos. Nos tur ta cla pa BUKS boso den 2013. Yega! Regime Eman

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter