Friday, 24 October 2014
Santa Rosa ta completamente automatisa y pronto lo introduci nan website completamente renoba Print E-mail
Wednesday, 19 December 2012 20:31

santarosa

Den un termino di un ana y danki na e sosten y vision di Minister Oduber pa mehora e servicionan di Santa Rosa y desaroya nos sector primario, e Departamento a wordo completamente automatisa. Locual falta ainda ta e website official y pronto Santa Rosa lo presenta su website nobo cu e meta pa duna informacion na criador, agricultor y alumnonan di scol.

E website nobo di Santa Rosa lo ofrece informacion encuanto di e maneho y responsabilidadnan di e Departamento mes como tambe di e diferente seccion nan, e diferente servicionan cu ta wordo ofrece diariamente, informacion di tur e diferente productonan cu ta wordo bendi, lo expone rapportnan y estudionan cu a wordo hasi den e ultimo ana nan ariba nos sector primario y e infrastructura di nos isla. Tambe lo tin un album di potret nan di e Santa Rosa di antes como tambe potretnan actual di e diferente eventonan di Santa Rosa. Pa esnan cu no a registra ainda, lo agrega e formulario pa registro di cunukero y criador, como tambe lo tin un link pa twitter, instagram y you tube. Tambe por mira calendar di evento cual ta mustra tur e eventonan cu Santa Rosa tin den e lunanan venidero. Na e momentonan aki e website ta disponibel solamente na Papiamento, pero pa comienso di anja 2013 esaki lo ta na Hulandes y Ingles tambe. Apesar cu e website ainda ta bou di construccion, ya por cuminsa haya algun informacion ariba www.santarosa.aw

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter