Tuesday, 30 September 2014
A logra acuerdo riba Indexering cu sindicatonan Print E-mail
Wednesday, 19 December 2012 22:27

IMG 4759

Despues di a sinta cuater dia na mesa, Gobierno y sindicatonan cu ta representa empleadonan publico a logra yega na un acuerdo riba e tema di Indexering. Diaranson tabata e di cuater dia,segun Minister di Finanza Mike de Meza a indica, cu Gobierno a sinta cu e sindicatonan riba Indexering y Inhaalmanouvre y a logra yega na un acuerdo.

E acuerdo ta encera cu e trahadonan ta haya un aumento di 85 florin den nan salario pa e indedexering. Pafo di e salario, e empleadonan publico ta bay haya un compensacion pafo di e salario di 150 florin extra den e inhaalmanouvre y 150 den e bashi-premie cu ta haya den luna di januari. Aworaki ambos pago ta 1350 florin y e lo bay bira 1500 florin cada un. Diasabra awor e protocol mester keda cla pa e wordo firma den Conseho di Minister. Segun e mandatario a splica, diaranson anochi a yega na un consensus caminda tur e sindicatonan a bay di acuerdo e formula. E diferencia den e inhaalmanouvre di aña 2012, compara cu e 300 florin, lo wordo hinca en e proximo cuater añanan. E peso cu esaki ta trece cune ta un reto grandi pa Gobierno, pasobra finanza publico ta den un situacion precario. Gobierno ta trahando pa corta den presupuesto di 2013 entre 70 pa 100 miyon florin. "Nos ta respeta e posicion huridico di empleadonan publico y gelijkgestelden, tambe di e institutonan cu ta wordo subsidia," el a bisa. Y a sigui splica cu e discuti e temanan menciona profundamente. Aña pasa a firma un protocol cu ta regla e Inhaalmanouvre den cinco aña y tambe e ta inclui cu lo negosha riba Indexering. Sinembargo Gobierno e aña'ki no por a carga Inhaalmanouvre y Indexering pa cual a bin ta discuti durante 4 dia. A yega na un acuerdo riba Indexering, cu ta e 85 florin den e salario y un parti chikito di e inhaalmanouvre. "Despues di hopi discucion, deliberacion y calculacion, nos a logra haya otro na mesa pa yega na un pakete di 85 florin den salario y 300 florin den e dos premienan cu ta wordo paga pa e trahadonan en sector publico." E acuerdo aki ta encera un suma di rond di 10 pa 13 miyon florin di gasto extra pa Gobierno otro aña.

Comentarionan (8)Add Comment
j. van der linde
December 20, 2012
186.148.219.154
Votes: +2
...

eta un cuminsamento, nunca ta bon, si hanja nada te keha awor hanja algo chiki tampoko no ta bon. eta un start tume y dsps lucha pa mas lokual nos tin drecho riba dje.

Capi
December 20, 2012
201.229.47.74
Votes: +0
...

Sadly ta keha hopi di e deficit pero awor ta haya empleado nan publico cu kier mas. AUnke tin varios ta traha dupo pero tin bo tin djes gani choka pa e manera di servicio nan ta dunabo. Ta ken mas tin cu saca mas pa paga nan PUEBLO!!

Maestra
December 20, 2012
201.229.79.135
Votes: +1
...

Claro cu nan mester reconoce indexering.....pasobra ami si a reconoce e palmbomen di 40.000,-- florin cu ta embeyese nos caya grandi! Ban conta cuanto tin anto nos sa cuanto indexering Fantastic Garden a hjn na indexering!
Caba di Aruba ta den Donker Rood! Mi compromiso cu mi pais.....hahhahahaha ....mi compromiso cu mi famia ta conta pa mi y si mi pais beneficia di mi bon esfuerso y dedicacion.....meegenomen.....nos mester cuminsa bira manera nos gobernantenan!!!!! Nan ta bai dilanti y nos ta zink, no e gobernacion excistente so, pero e otronan anterior tambe....
Esaki ta mi opinion y no ta intenciona pa ofende ningun hende!
Felis dianan di fiesta!

prorubiano
December 20, 2012
201.229.35.155
Votes: +3
...

beter iets dan niets, y nos no mester a sali ni un dia riba caya pa haya nos indx, esaki si nos no por bisa di MEP cu castiga empleadonan publico lagandonan sali 7 SIMAN RIBA CAYA PA ASINA POR A BIN HAYA ALGO.
Y pa tur esnan cu no kier indx of no ta kere den dje manera mr A.Vrolijk...please no cobra esaki lage aden.

alfonsodindin
December 20, 2012
201.229.29.27
Votes: +1
...

besaril,, ambtenaar a sali e gran perdedor. kiko 85 florin lo juda nos cu ne, den nos salario? nos no ta ni hole, corda pa paga algo cu ne, alcontrario mi por bai atras cu 20 florin. contrario cu e 825 florn cu gobierno kier a duna ambtenaar na augustus, cu si lo juda nos hopi,mescos cu bashi premie i gelijkbedrag. manera mi por a skucha un persona bisa, ta bringa pa peanuts, i nos a haya peanuts. i awor wak pa mep no bin nunca mas, pasobra nos lo keda sin peanuts tambe,

Mojendi
December 20, 2012
31.151.210.190
Votes: -3
...

Te, hende en berdad no ta comprendé boso, si bay den corra, boso ta keha, si bay den bèrde, tambe boso ta keha, pasobra boso no ta gusta bèrde tampoco (mira TRAM. Si no yega na un acuerdo pa indexering, tambe boso lo a keha y critica e gobierno, ta ken por cu boso, ta Dios so sa.

la pirata
December 20, 2012
201.229.67.15
Votes: +6
...

salario di werkster nan tmb lo subi? of nos ta keda mane chambon atrobe. nos ta traha asina duro y nunca ns salario ta bai dilanti

te
December 19, 2012
201.229.6.31
Votes: +2
...

sigui bai dedn corra.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter