Tuesday, 02 September 2014
Gobierno: Gabinete Mike Eman si a reconoce Indexering di trahadonan publico Print E-mail
Wednesday, 19 December 2012 22:31

IMG 4758

 

Un biaha mas Gabinete Mike Eman a logra yega na un acuerdo cu sindicatonan di sector publico riba e asunto di Indexering sin cu mester a subi caya, manera den pasado. Despues di a sinta cuater biaha na mesa, a yega na un palabracion cu ta bay wordo hinca den un protocol.

E acuerdo ta encera un aumento den salario di 85 florin, mientras cu e dos pagonan cu Gobierno ta haci na cuminsamento y final di aña ta wordo aumenta for di 1350 pa 1500 florin. E acuerdo aki Minister di Finanza Mike de Meza ta contento di por a logra sin cu trahadonan mester a subi caya. El a splica cu na 2011, 2012 y awor 2013, Gabinete Mike Eman ta reconoce e necesidad pa drecha e situacion di perdida di poder di compra di empleadonan di sector publico. E ta bisa cu si tuma loke cu e empleadonan a haya den 2011 y 2012, e acumulacion di e acuerdonan aki ta encera cu e trahado publico a bay dilanti cu mas cu 5 mil florin y awor a bolbe yega na un areglo cu ta duna trahadonan di sector gubernamental un aumento di rond di 1450 florin. "Esaki ta nifica cu e trahado a bay bastante dilanti. Ora cu bo haci e calculacion acumula durante tres aña, e ora por bisa cu e trahado publico a bay dilanti cu mas di 7 mil florin." E mandatario a sigui bisa cu e ariba menciona ta demostra cu Gabinete Mike Eman ta coopera y ta reconoce e trabou di trahadonan di sector publico door cu nos ta sinta na mesa. "Y no manera a sosode anteriormente unda durante Gobierno di Gabinete Oduber III y IV no a reconoce Indexering, a freeze y a keda sin paga indexering, te cu na 2008 empleadonan mester a subi caya durante shete siman largo pa busca nan derecho. Na final a duna un Indexering pero a schuif e inhaalmanouvre 2002 pa 2007 padilanti, y pa awe Gabinete Mike Eman ta compensa pa loke e Gobierno anterior no a duna e trahado publico. " Minister de Meza a gradici e sindicatonan envolvi pa e hecho cu a logra yega na un consensus. E ta kere cu no ta tur hende lo ta di acuerdo cu esaki ta e miho pakete, pero e Gobierno aki si a reconoce e derecho di e trahado cu mas di 7 mil florin. Pues un adelanto grandi, trahando riba un balanse total pa drecha economia di Aruba, sanea situacion financiero y reconoce necesidad di e trahado den sector publico.

Comentarionan (3)Add Comment
pedro tromp
December 20, 2012
190.2.160.238
Votes: +1
...

ta asina mes....sino lo a bolter e lugar aki cu yama Aruba...cu minister nan , parlamentario nan y coordinador nan tur saca benta leuw te bandi colombia pabow nan aya...

pedro tromp
December 20, 2012
190.2.160.238
Votes: +1
...

ta asina mes....sino lo a bolter e lugar aki cu yama aruba...cabez abow!!! bosa unda e nul ta toch??

Black P
December 20, 2012
201.229.74.106
Votes: +0
...

Ja boso mester a bin cu algo paso anja 2013 ta anja di campanja.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter