Thursday, 23 October 2014
Grupo Ban Uni di Sabana Basora y besindario ta gradeci tur cu a sostene e grupo pa por logra su actividad “Cena di Pasco 2012” Print E-mail
Thursday, 20 December 2012 10:28
DSC_2063
E weekend di 15 di december y 16 di december ultimo grupo Ban Uni di Sabana Basora y besindario a tene su actividad “Cena di Pasco 2012”.

Diasabra 15 di december a hiba un grupo di muchanan di bario pa bai core rond den bus, pa asina gosa di e tantisimo lusnan cu tin ta decora nos dushi isla Aruba den e temporada di Pasco aki.

Su siguiente dia a tene un cena di Pasco den Club Universal na Pos Chikito. E muchanan cu a participa por a gosa di un dushi cena prepara door di e lidernan mes. Despues cu e bariganan tabata bon yena kada mucha a haña un regaldo y un macuto di Pasco.

Permiti nos di e forma aki yama un danki na Kiwanis Palm Beach Club of Aruba pa sponsor e regaldonan pa e muchanan. Y na Charity Foundation di Arubabank tambe nos kier yama danki pa regala kada famia un macuto di Pasco. Danki tambe ta bai na Sra. Suzette y su team na Superfood pa e tremendo cooperacion. Y naturalmente manera semper nos kier yama un danki di curason na Cede Aruba pa semper kere den nos y sostene nos semper cu nos actividadnan cu nos ta organisa pa traha na e union den nos bario.

Nos di grupo Ban Uni na nomber di Dulce Maria Hazel, Vera Euson, Maria Dulce Hazel , Mariela Chirino, Emanuel Caton y Reginald Janga kier a probecha di e oportunidad pa atrobe extende nos palabranan di gradicimento profundo na tur e personanan cu di un of otro manera a duna nan cooperacion pa nos actividad “Cena di Pasco 2012” por a tuma lugar. Nos kier a desea tur nos muchanan di bario, nan famianan y Aruba completo un dushi y felis Pasco y un prospero aña nobo.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter