Friday, 25 July 2014
Parlamentario sra. Lorna C. Jansen-Varlack: Abraham de Veer School a wordo entrega y na Januari 2013 lesnan lo cuminsa den un scol nobo y moderno Print E-mail
Thursday, 20 December 2012 16:13
DSC_2063
Diarason ultimo trabounan di renobacion na Abraham de Veer School a keda kla y e contratista Van den Broek a entrega e yabi di scol na Minister Arthur Dowers cu siguientemente a entrega e yabi di scol na e cabesante di scol sr. Elgin Nicolaas.

Abraham de Veer School ta un scol cu e aña aki a celebra 60 aña di existencia y esaki ta e prome biaha den 60 aña cu e scol a wordo renoba grandemente. E inversion tawata mas cu 4 miyon florin y awe nos por wak e bunita resultado. Un scol completamente renoba: dak, bentana, porta, baño, magasein nobo , airco den tur e localnan etc. Pa prome biaha tambe un scol a haya un tereno di recreo completamente di beton. E cambio aki ta uno positivo den e sentido cu e no ta wanta hopi calor, e ta mas “safe” y e posibilidad pa pinta wega ta mas grandi. E parti di mantencion y cuido di e scol ta hopi importante, pa e motibo aki gerencia di scol mester bin cu un maneho con lo atende esaki den futuro y no warda te ora e scol cuminsa cay den otro atrobe.

Mi persona ta un ex alumno, ex maestro di Avond MAVO y mi ta sumamente contento y orguyoso cu San Nicolas por conta cu un scol completamente renoba. Mi ta sigur cu e bario ta satisfecho cu e logro aki pasobra edificionan nobo ta hisa e nivel di un bario. Middag y Avond MAVO tambe lo muda bek pa Abraham de Veer school. E pensamento tras di esaki ta cu e edificionan di Gobierno mester bira multi funcional na lugar di traha edificio pa cada instancia. Loke ta importante ta e palabracion entre e instancianan y e cuido di scol door di e uzadornan. Edificionan mester wordo uza optimalmente. Nos por ripara cu miyones ta wordo inverti den e renobacionnan di scol. Falta awor pa caba cu Colegio Cristo Rey y algun otro scol unda e renobacionnan ta urgente. Un palabra di gradicimento ta bay pa minister Dowers y na mesun momento lo mi kier duna pabien na pueblo di San Nicolas en general pa cu e hoja di edificio aki.  

dowers dowers dowers

Comentarionan (1)Add Comment
Oops!
December 21, 2012
201.229.6.187
Votes: +1
...

Pa un minister ta facil ubica.. dos scol den mesun gebouw pensando puro riba e placa inverti. Pero realmente esaki ta forma logisticamente un problema grandi. Dagschool su maestronan tin curason pa e scol y lo/ta hasi nan best pa e scol wordo ciuda. Esey ta un hecho. Paso ta NAN scol C.G. Abraham de Veerschool ta pa 60 aña largo! Ora tin middag- y avondschool e docenteman cu ta traha akinan segun mi ta parttimers nan ta cu ta bin cansa di traha na otro scol y nan no ta ni worry pa ciuda e scol. Hasta ta yega laat y ta laga alumnonan nan so den klas cu tampoco no ta sinti cu e gebouw ta partí di nan como scol. Dus ja bo sa...fiesta!!! Di tempo OAA a drenta C.G. Abraham de Veerschool ma compronde cu e materiaal di scol a deteriora rapidamente y e edificio tambe, apesar cu e tbt bieu. Esey no por!!! Pabien na Directie y docentenan di C.G. Abraham de Veerschool, paso esaki boso a warda hopi tempo riba dje y porfin e la bira realidad!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter