Thursday, 31 July 2014
Director di Hospital cu peticion pa pueblo den e dianan largo di fiesta aki Print E-mail
Thursday, 20 December 2012 17:21

Jaime Falconi-1

Director di Hospital dr. Jaime Falconi a yama un conferencia di prensa riba diahuebs pasobra mas cu eerste hulp ta druk tur dia, di diabierna awor padilanti ta cuminza e dianan largo di fiesta y nan ta bay ta hopi mas druk. Dr. Falconi kier alerta pueblo pasobra e aña aki tin 19 morto caba den trafico, cu ta hopi, ya casi yegando record cu ta 20 y e ta spera cu esey lo no ta e caso. El a splica cu morto di un ser keri den trafico no ta afecta su famia so, pero tambe e ta envolve e trabao di hospital pasobra ora un hende accidenta drenta e atencion ta concentra riba dje y resto di pacientnan mester keda warda y nan tin cu yena cu pasenshi. E director di hospital ta asumi cu for di dialuna hopi hende lo pidi liber pa cuminza prepara pa e dianan di fiesta cu ta como seis dia tras di otro. Dr. Falconi a bisa cu den siman santo cu tambe hospital a prepara su mes a bay bon y e ta spera cu e biaha aki tambe ta mescos, y el a splica cu no pasobra tin mas hende trahando tur servicio por wordo duna manera den un siman normal. Operacionnan ta di emergencia so ta tuma lugar, y aunke tur servicio ta accesible hecho ta cu lo tin mas trabao pa haci y esey tin efecto riba e demas servicionan. Dr. Falconi a haci un peticion na tur persona cu tin malesa cronico pa cuida nan curpa bon, specialmente esnan diabetico, hipertenso, cu tin malesa coronario, etc. Pa haci nan ehercisio, pa tene cuenta cu nan dieta special, y percura pa tin nan remedi na alcance y evita asina e necesidad di wordo atendi di emergencia sea na IMSAN of na HOH. Tambe el a haci un peticion pa den trafico core trankil pa evita accidentenan y specialmente cu consecuencia grave y te hasta fatal.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter