Sunday, 23 November 2014
Spiral rotonde dilanti aeropuerto practicamente cla Print E-mail
Thursday, 20 December 2012 17:28
Comparti

20121219 rotonde fase final 003

Manera cu a keda anuncia, e spiraal rotonde na aeropuerto ta cla pa su apertura diabierna mainta. Esaki ta un otro promesa di Gabinete Mike Eman cu ta keda cumpli y na tempo. Manera e potretnan ta ilustra, companianan di Utilidad y Departamento di Obranan Publico ta haciendo e ultimo trabounan chikito percurando cu tur cos ta funciona y ta na su lugar pa e automobilistanan por core di manera facil y sigur riba dje. Manera a keda anuncia dor di DOW na comienso di siman, e rotonde ta habri e diabierna mainta, y contrario na loke ta wordo specula, e rotonde ta conta cu e iluminacion necesario. Trahadornan ta instalando e palonan di luz LED cu ademas di ta mas briyante, ta uza menos coriente. E luznan banda di e trottoirnan hancho y halto ta beneficia tambe esnan cu ta desea di cana y haci ehercisio den e area aki na cualkier momento di dia. Borchinan ya ta instala pa asina indica na un manera hopi visibel, e diferente rutanan pa tuma dependiendo na unda ta desea di yega. Tur esaki tabata bon pensa, planea y ehecuta pa haci e adaptacion di e automobilista na e diseño nobo di rotonde, uno mas facil y practico. Na un manera simpel por mira cua banchi pa tuma, sea cu ta bay subi y of baha di e rotonde. Durante un recorido haci diaranson mainta, por a mira e personal di DOW y contratista MNO Vervat, tabata trahando riba e ultimo parti cu ta e conexion cu e caminda cu ta sigui pa San Nicolas, esta e parti pariba di e rotonde. Por cierto, e rotonde ta decora cu un kerstboom masha grandi, cortesia di MNO Vervat den espirito di e accion di BoBario cu a cuminsa e aña aki cu un accion di decoracion na tur rotonde rond di nos isla. Sin duda algun un beyesa di proyecto cu apesar di inconviniencianan chikito, ta keda cla na tempo y ta comberti automaticamente den otro motibo di orguyo pa henter e pueblo di Aruba. E prome impresion cu nos bishitantenan ta haya ora nan sali di aeropuerto ta cu nos isla ta conta cu un infrastructura moderno y cu nos ta un pais ordena. Prome Minister Mike Eman y su Gabinete, particularmente minister di Infrastructura ta masha contento cu e trabou y ta felicita tur envolvi cu su ehecucion. Tambe ta felicita pueblo di Aruba cu e adkisicion aki cu ta eleva e balor di e producto Aruba ademas di alivia e trafico na e punto cardinal aki cu sigur di awor pa dilanti ta core di miho manera den e ‘rush hour’. E construccion di e spiraal rotonde ta forma parti di Plan BoAruba cu ta busca pa mehora henter e sistema di infrastructura na nivel nacional. E ta un vision di Gabinete Mike Eman cu ta enfoca den crea un miho luga pa biba y pa traha, cu proyectonan diseña na unda e ciudadano ta para central. Pabien Aruba cu bo spiraal rotonde!

album album album

Comparti
Comentarionan (1)Add Comment
Gregory E.
December 20, 2012
201.229.81.236
Votes: +5
...

SORRY 24ORA.COM Pero e retonde aki no tabata den plan Bo Aruba durante campanja. A campnaja cu ta bai baha e costo di bida na Aruba, awa, coriente y gasoline. Alcontrario Tur prijs pa consumidor a aumenta cu 200%+ No tin control riba e negoshinan.A wordo priminti cu tin un team di experto pa traha e presupuesto di Aruba. Ora a drenta gobierno a haci net lo contrario. Fia placa pa paga debe. (Bobedad) Stimula economia door di haci prestamo y manda Aruba mas den rood. Esei ta nos problema y nos no ta wak solushon real. Danki

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter