Wednesday, 22 October 2014
IMSAN tambe ta bon prepara cu 4 ambulance pa e dianan di fiesta Print E-mail
Thursday, 20 December 2012 17:31

Joel Rajnherc IMSAN (2)

Joel Rajnherc ta director di IMSAN, na San Nicolas y durante un entrevista el a splica cu nan ta bon prepara cu ambulance. Lo tin 4 ambulance full ekipa cu su personal riba dje y ademas tin oportunidad pa saca e rapid responder, cu aunke no ta traslada pacient e tin tur cos necesario abordo pa duna prome asistencia. E ta wordo usa na momento cu otro ambulance ta bezig transportando un pacient pa hospital of pa INSAM. E servicio aki tambe por yuda un pacient te na su cas y nan tin e opleiding necesario pa haci e triage y determina si ta necesario pa transporta un hende pa un hospital. Sinembargo nan no mag tuma decision riba nan mes pero en consulta cu e docter di cas, e docter na warda of esun cu ta na eerste hulp. Nan hunto ta tuma e decision si un persona por warda pa bay docter di cas su dia siguiente of si ta necesario hibe Hospital y e ora ey ta manda un ambulance mas pronto posible mientras tanto e verpleegkunde ta cuminsa prepara e pacient pa yegada di ambulance. E dianan di fiesta aki nan ta accesible full time, segun e director di INSAM. Tambe e servicionan di eerste hulp mes lo ta bon prepara a base di un inventarizacion di con a bay e ultimo tres anjanan y kico tabata e necesidadnan cu tabata tin y cu e informacion aki a traha un schedule y un rooster pa e trahadornan. Director di INSAM tambe tin un yamada pa comunidad pasobra e ta sinti cu mucho ta ser adverti riba e peligro di consumo di alcohol pero hopi hende no kier tende y nan ta haci manera superman nan ta y nada ta bay pasa cu nan. Tambe su mensahe ta pa e comunidad tene cuenta cu nan salud y coremento den trafico, y alavez a probecha pa desea pueblo di Aruba un feliz pasco y ceramento di anja cu salud y sin ningun accidente.

Comentarionan (1)Add Comment
mi-opinion
December 20, 2012
201.229.72.135
Votes: +2
...

Zorg pa bo ta un di e prome cuatronan si bo kier yudanza smilies/tongue.gif

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter