Wednesday, 23 April 2014
Minister Hooyboer ta wantando e deseo pa aumento di prijs di gas na Arugas Print E-mail
Thursday, 20 December 2012 17:43

Michelle Winklaar

Den un entrevista cu minister di economia Michelle Hooyboer Winklaar, nos a puntre tocante e asunto di prijs di gas y e limitacion di 8 pa 6 boter pa cas. Minister Hooyboer Winklaar a splica cu esaki ta conta pa gas pa cushina na cas so y no pa uso comercial. E gas pa cushina na cas ta haya un subsidio di gobierno y e prijs ta fls.44.05 pa e cylinder di 100 liber. Segun e minister compara cu otro islanan den Caribe y sigur cu Curacao, Bonaire y Sint Maarten na Aruba ta mas barata. Nan prijsnan pa e mesun boter di gas aki di 100 liber ta fls.59 na Curacao, fls.76 na Bonaire y fls.150 na Sint Maarten. El a splica cu gobierno a haya peticion di Arugas na anja 2011 pa subi e prijs di e gas pa cushina na cas pasobra e transportacion a aumenta substancialmente y e mandatario ta haya cu berdad Arugas tin hopi anja sin aumenta e prijs. Gobierno a haci un analisis riba esaki y segun Arugas e average di uso na Aruba ta 3 pa 4 boter pa cas pa anja, y nan tabata tin un limitacion di 8 boter di gas y na momento cu e famia pidi e boter number 9 nan tin cu paga e tarifa comercial. Mientras tanto gobierno a pidi Arugas informacion necesario pa wak si ta hustifica of no pa aumenta e prijs, pero nan no por a duna tur e informacion aki, entre otro e jaar rekening, y gobierno ta pendiente di esaki pa sigui cu e demas stapnan. Nan a sinta cu Arugas ken a informa e minister cu nan durante anja 2012 a baha e limitacion di 8 pa 6 boter pa anja y cu esaki no ta afecta e average cu loke e minister ta completamente di acuerdo y ta respeta e politica aki di Arugas como compania priva cu ta haya un subsidio parcial solamente riba gas pa cushina na cas y no opera ningun otro tipo di aparato cu ta usa gas. E peticion pa aumento di prijs riba gas pa cushina na cas ta keda pending di e informacion cu Arugas tin cu entrega gobierno.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter