Tuesday, 29 July 2014
SPA contento cu negociacionnan di Indexering Print E-mail
Thursday, 20 December 2012 17:53


spaDialogo riba Indexering practicamente ta tras di lomba, despues cu diaranson anochi a yega na un consensus na loke ta bay wordo inclui den salario y kico ta cay pafo di salario. Tur cos ta indica cu pa diabierna merdia e Protocol ta keda firma den Conseho di Minister. SPA a participa tambe den e Dialogo cu e sindicatonan y tabata positivo cu na final lo yega na un acuerdo cu lo keda ancra den un Protocol. Guilfred Besaril, Presidente di Sindicato di Polis (SPA), tabata contento ya cu a logra dialoga y negosha riba indexering. “Nos a nota cu e voznan a cambia, e disponibilidad a cambia, pasobra e mensahe di intrankilidad a yega cerca Gobierno. Nos ta sumamente satisfecho con negociacionnan a bay awe, mi tin cu bisa esey den tur sinceridad, ya cu for di cero a yega na algo. ..,” Besaril a duna di conoce prome cu final di e negociacion. El a splica cu e negociacion a cuminsa for cero porciento, despues a logra yega na 1.2 y finalmente 1.8% pa final di diaranson anochi. E no tabata kier a bay den detayes pasobra e momento ey ainda tabata den negociacion y tabata falta algun punto pa acorda ainda. Apesar di esey e ta bisa cu ta yegando na otro, pero uzando argumentonan valido, entre otro cu mayoria di e CAO-nan cu a wordo firma ultimo simannan ta papiando di cierto porcentahe. A uza e percentahenan aki pa cuminsa negosha cu Gobierno. Pero tambe a uza argumento di e situacion di maestronan cu ora nan yega 38 aña, lo no mira cambio mas den nan salario sino ta pa medio di Indexering pa compensa e perdida di poder di compra. Y asina tin mas punto similar cu a wordo treci dilanti. Di e forma aki, e ta kere cu por logra firma un protocol pa diabierna.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter