Monday, 22 December 2014
TOPA kier mira un suma di indexering di 105 florin Print E-mail
Thursday, 20 December 2012 18:20
Comparti

IMG 4797 (Large)

Sindicato TOPA, representando un grupo di empleadonan publico, tambe a participa den e reunion di Indexering e siman aki durante cual por bisa a logra avansa basta y te yega na cierto consensus. Si tur cos wordo acepta, e protocol por wordo firma diabierna awor. TOPA a wordo representa pa su presidente den e negociacionnan aki, esta Rene Bernabela. Den un combersacion cune diaranson anochi, el a splica cu TOPA y sindicato di controladornan di casino, SCC, por biba cu e cifra cu a wordo poni riba mesa pa loke ta inhaalmanouvre. “Nos no tin problema cu esey, pero pa e parti di indexering si mi ta kere cu sindicato TOP y esun di casinowezen, nos no ta mucho satisfecho di loke ta wordo papia riba dje awor, esta e suma di 85 florin.” El a sigui splica cu dos aña pasa a papia di 105 florin pa cual hunto cu STA, nan a pidi pa cuminsa papia for di un suma basico di 105 florin, enbes di 85 florin. Nan a pidi pa chek e calculacion cu a uza durante e negociacion di e tempo ey. Ta pidi esaki pasobra e ta un diferencia di 20 florin di loke a wordo logra dos aña pasa y cuminsando cu 105 florin ta algo cu por biba cune. Esaki pasobra na final di dia, nan mester bay bek cerca e miembronan pa bisa nan loke cu a logra, y nan no por hustifica cu esaki ta menos di loke a logra dos aña pasa. Apesar cu e situacion ta diferente pa loke ta entrada di Gobierno, Bernabela ta bisa cu pa TOPA e punto di salida ta cu e mester bay den un forma di negociacion pa yega na un comprondemento. TOPA ta bisa cu e diferencia no ta hopi, pero no por bay bisa nan miembronan cu nan a bay atras, mientras cu pa Gobierno e lo nifica mucho mas di loke nan ta ofrece awor.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter