Thursday, 31 July 2014
Magaly Brito di SEPPA: “Nos a mustra comprension pa e situacion di Gobierno” Print E-mail
Thursday, 20 December 2012 18:26

Magaly Brito

Aunke cu por bisa cu tin un consensus en principio logra diarason anochi den e negociacionnan pa Indexering, e acuerdo final mester ratifica diabierna den un Protocol. Si tur sindicato bay di acuerdo, esaki lo wordo firma. Magaly Brito, Presidente di sindicato SEPPA na final di e negociacionnan di diaranson anochi a expresa su satisfaccion pasobra despues di varios encuentro tin algun entendimento di kico posibelmente lo bira e inhaalmanouvre. Diaranson a cuminsa e negociacion, segun el a splica, bayendo na e base, di loke realmente e sindicatonan tabata buscando. Esaki Indexering pero tambe kier a recobra e inhaalmanouvre atrasa. Gobierno a cuminsa e negociacion bisando cu nan por paga un di esakinan. A sigui discuti pa mira di cuanto ta papiando di dje den cifra. Sindicatonan a logra, el a bisa, pa Gobierno bini cu un proposicion riba mesa pa loke ta e ahustacion di salario entrante prome di januari, 2013 y con nan tin pensa di paga e inhaalmanouvre. Diaranson ultimo e negociacionnan a bay basta largo pero na final, e ta bisa, a logra yega na un acuerdo di principio . Esaki ta encera un ahuste di 85 florin den e salario, lo paga un parti di inhaalmanouvre cu nan debe (esta 1.6%). Den e protocol e ora lo pone cu e suma cu Gobierno ta keda debe di e inhaalmanouvre lo wordo paga den e proximo cuater añanan. E sindicalista a splica cu nan principalmente punto tabata pa recobra loke cu nan a perde den nan poder di compra. “E lucha di e sindicatonan semper tabata pa recobra e parti di perdida di forsa di poder di compra. Semper nos a demostra disponibilidad pa negosha na mesa. Nos kier ahustacion den salario. Mi por bisa cu awe e posicion di Gobierno pa toch nan bin cu un proposicion y e ahustacion aki e trahadonan lo a logra. Lamentablemente e inhaalmanouvre lo no wordo paga completamente, pero eynan nos ta mustra comprension pa e situacion di Gobierno. Pero di nada nos a logra recobra parti di e indexering, ahustacion y algo di inhaalmanouvre.” Brito a splica. Tambe el a indica cu un gran parti di e sindicatonan a mustra comprension pa e posicionnan cu tin na mesa na e momentonan aki cu e posibilidad cu por yega na un acuerdo final den e discusionnan di diabierna awor.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter